JOHAN 7:15 - Cho Bible Common Language 2016

¹⁵ Jew chang ng’vai gui cu ang htei ah cäicat u netah, “A hawi ah phi kä ng’theithang man ci naw, a i hawk chaa ah shin gui a hmat ang” cik ci gui.

JOHAN 7:15 Referans Kwoze

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

MATTHE 13:54

amät ah pigaw ah hteit ba ci, Pum im ah m’theithang gui sei, Cun hmuk ciah chang gui cu cäicat u netah, “Shin ah chang naw shin ah hmuhmat nak gui ahawi a gah ang? Cäi-aih gui vai mä a i hawkcha abi hning ang?

LAMKTU 26:24

Paul naw cun ah thu a pyein yah ung, Festus naw, “Paul aw, nang na gu pyi ci nei, na mät ah hmuhmat nak naw ning gu sak pyi ci nei” cine m’lau ne pyein ci.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

LUKA 2:47

Ani ah hmuhmat nak la ang thu gui ng’yak ciah chang gui cu ang htei ah cäicat ci gui.

MATTHE 22:22

Ngami cu cun ah a pyein ng’ya u netah, ang htei ah cäcat ci gui. Cun kawn ah a hei lam ah hteit ba ci gui.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

MATTHE 22:33

Cun ah am theithang cu chang gui naw ng’ya u netah, ang htei ah cäicat ci gui.

1 SAMUEL 10:11

Ani hmat pyi man ciah chang gui naw shin ah a kyak tu cu hmuh u neta, ami mät ng’shi tuk ci gui. “Kish ah hta cu a i ah ang a kyak law? Saul cu prophet ah kya law ne ang?” cik ci gui.

JOHAN 7:11

Jew chang vai gui naw cun ah pawi ung Bawipa Jesuh cu shui u netah “Cun ah chang a hawi ang” cine k’tä ci gui.

JOHAN 7:13

Cun ung phi Jew chang vai gui cu kyi u netah, a u naw phi ang dang ah kä pyeinsak ci.

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

ISAIAH 29:12

Nang naw ca kä phat thei ciam pe neta, phat ne a ning m’thein vai ah ha pyen ah a kyak ung, ani naw a i cha phat vai ah kä ka hmat ci nei cik khai.