JOHAN 7:14 - Cho Bible Common Language 2016

¹⁴ Pawi ami bi nak kho hnüüp cawih cawih law khätah, Bawipa Jesuh cu Taigüim ah hteit ne m’theithang gui ci.

JOHAN 7:14 Referans Kwoze

JOHAN 7:28

Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

LUKA 19:47

Bawipa Jesuh naw ak hnüüp tä Taigüim ah m’theithang gui ci. Cun ung phi taigü ng’vai gui, Thukhän saya gui la, Jew chang ng’vai gui naw Bawipa Jesuh cu, ami ngawn vai ah k’tha nak ci gui.

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

JOHAN 7:2

Jew chang gui ah geit ah shawk nak ah pawi cu ng’et lawk ci;

JOHAN 5:14

Cun kawn ah Bawipa Jesuh naw cun ah chang cu pum im ah hmu ba netah, “Tuhbäi na gai lawk ci, cun kawn ah hmakat nak kä na bi vai, hmakat nak na bi ba ung cun ah tä pi cicu na aut khai” ci ne kiak nak ci.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

MATTHE 21:12

Bawipa Jesuh naw pum im kyong ah hteit netah, pum im kyong ah sumlei ci gui cu k’täm gui ci. Ngui m’thawng ci gui ah tawnglan la mümkha yoi ci gui ah m’küm gui cu gäi ne lat yawp ci.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

KHEI NAK 29:17

A hnüüp goi hnüüp ung douthak vai cu vantang anong gha lei goi, htome hnih, kum ät lüng ciah htome m’ca gha lei phi, cun gui avan cu api ah phi kä kheihlik khai.

KHEI NAK 29:20

A hnüüp thum hnüüp ung douthak vai cu vantang nong gha lei goi, htome hnih, kum ät ci lüng ciah htome m’ca gha lei phli, cun gui avan cu api ah phi kä kheihlik khai.

JOHAN 8:20

Shin cu Bawipa Jesuh naw, Taigüim khawh peit nak ah kyong khui ah am theithang gui ah kyak ci. Cun ung phi amät ah akhin kä gawk law phak ciah kyak sei, ani cu a u naw phi kä phak ci.