JOHAN 7:13 - Cho Bible Common Language 2016

¹³ Cun ung phi Jew chang vai gui cu kyi u netah, a u naw phi ang dang ah kä pyeinsak ci.

JOHAN 7:13 Referans Kwoze

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

JOHAN 19:38

Cun kawn ah Arimathea ah kaa Josef cu Pilat ah hteit ne, Bawipa Jesuh ah gook cu a lak sak vai ah pyein ci. (Josef cu Bawipa Jesuh ah ang khah püi ah kyak ci, cun ung phi Jew chang ng’vai gui kyih gui ne a düm ah ng’läk tuk ciah kyak ci.) Pilat naw hlawt sei, Bawipa Jesuh ah a gook cu Josef naw la ne hteh püi ci.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

JOHAN 7:11

Jew chang vai gui naw cun ah pawi ung Bawipa Jesuh cu shui u netah “Cun ah chang a hawi ang” cine k’tä ci gui.

JOHAN 7:15

Jew chang ng’vai gui cu ang htei ah cäicat u netah, “A hawi ah phi kä ng’theithang man ci naw, a i hawk chaa ah shin gui a hmat ang” cik ci gui.