JOHAN 7:1 - Cho Bible Common Language 2016

¹ Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

JOHAN 7:1 Referans Kwoze

JOHAN 4:3

Pharise gui naw ami ng’yak cu Bawipa Jesuh naw hmat netah Judea kho ah kaa Kalile kho ah htie ba ci.

MATTHE 21:38

Cun ung phi ngami naw lo mah ah hta cu hmu law u netah, ‘Shin ah chang cu lo mah ah pakhui m’düng khai ah chang ah kyak ci, lawvä, ani cu mi ngawn u ne, ak chaw vai a khawh cham avan mi lak khai nei,’ cine ng’ge u netah,

JOHAN 7:19

Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

JOHAN 4:54

Cun cu Judea kho ah kaa naw Kalile kho ah alaw ba kawn ah Bawipa Jesuh naw cäi aih vai abi nak akhnih vei nak ah kyak ci.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

JOHAN 8:40

Khanpughi ah ng’thu kang yak ah mäih ah kei naw ka ning m’thein ba gui ci, cun ung phi nami na ngawn khai ah nami tha nak ci, Abraham naw cun ah kä bi te ci.

JOHAN 8:37

Nangmi cu Abraham ah hta ng’shon gui ah ka ning hmat gui ci. Cun ung phi kei ah m’theithang kä ng’ya hlü u ne, kei nami na ngawn khai ah nami tha nak ci.

JOHAN 7:25

Jerusalem ah chang amshah gui naw, “Shin ah chang cu ang vai gui naw ngawn vai ah shui ci gui ah kä kyasei ang?

MAKUH 11:18

Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.

JOHAN 6:1

Cun kawn ah Bawipa Jesuh cu Kalile tuili (Tiperih tuili) hei ga lam ah vang kat ci.

JOHAN 7:11

Jew chang vai gui naw cun ah pawi ung Bawipa Jesuh cu shui u netah “Cun ah chang a hawi ang” cine k’tä ci gui.

JOHAN 7:13

Cun ung phi Jew chang vai gui cu kyi u netah, a u naw phi ang dang ah kä pyeinsak ci.

JOHAN 7:35

Jew chang vai gui naw, “Mikmi naw shui ne kä mi hmuh vai ah, a hawi lam ah hteit khai ang? Mi chang gui ah om nak Karik mang gaw gui ah hteit ne m’theithang gui khai ang?