JOHAN 6:9 - Cho Bible Common Language 2016

⁹ “shi ah ak hmaw tumat naw m’hut pum hma la nga pahnih sho ci nei. Cun ung phi chang shikchü-am ng’büh khai ah käm bei hlawt vai nei” cik ci.

JOHAN 6:9 Referans Kwoze

LUKA 9:13

Bawipa Jesuh naw, “Na mi mät naw ei m’bei gui vä” cik ci. Ang düihpüi gui naw, “Keimi ung m’htut pum hma la nga hnih hta bäng vah om ci, Shin ah chang gui avan ah ei vai cu hteit ne kami khleih vai ang?” cine ng’shik ci gui.

MAKUH 6:38

Bawipa Jesuh naw, “Nangmi ung ei vai m’htut a i chü ang a om, hteit ne teng ba vä” cine pyen na gui ci. Ngami naw hteit ba ne ei vai hmuh u netah, “M’htut pum hma la nga pahnih om ci nei” cine pyein ba ci gui.

MATTHE 14:17

Ang duihpüi gui naw, “Keimi ung m’htut pum hma la nga pahnih bäng om ci nei,” cik ci gui.

SAM 78:19

Ngami cu Khanpughi hnu ng’tuk püi ne ng’thu u ne, “Bungpuk ah Khanpughi naw ei vai na pe gui hlawt khai ang?

MATTHE 16:9

Zum nak ken ciah chang gui, tuhgüt kä nami hmuhmat lawk ci ma? m’htut pum hma, chang phia hma-kip-am ka tei gui la, ami ei ah pawih dawn ung a i chü nami kaw ba cu, kä nami shüm ba ci ma?

MAKUH 8:19

Kei naw chang phia hma-kip-am m’bei vai m’htut pum hma kak bou cu kä nami shüm ba ci ma? Cun ung m’htut ak pawih gui them dawn ung a i chü ang nami kaw ba?” cine ng’shi gui ci. Ang düihpüi gui naw, “Them dawn ung a gha-lei goi ah kami kaw ba ci nei” cik ci gui.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

SAM 147:14

Ani naw na kho gui cu k’pang ne ngäng ne, htang m’guh akni pi na phü ah ning ei sak ci.

SAM 81:16

Cun ung phi htang akni pi ning m’bei gui ne, khoi k’phyim tui awn ka ning phü sak gui khai nei.”

THULÄÄN NAK 8:8

Acun ah khaw ung m’thawk cicu cuung htang, k’htui, thei, htale, oliv la khoi tui ah kyak ci.

THU PHLAAN 6:6

Khiküi paphli ah ng’lung ungka lut lawk ciah k’aw tumat cu kei naw ka ng’yak ci. Cun ah k’aw naw, “htang a them cu hnüüp ät ng’cheng nak, püm them thum cu hnüüp ät ng’cheng nak ah kiak ci. Cun ung phi olive sing chaam la sapyit chaam cu kä m’di en vä” cine pyein ci.

JOHAN 11:32

Mari cu Bawipa Jesuh ah om nak ah gawk ne, Bawipa Jesuh cu hmu law netah, “Bawipa, nang na om vai sü ung kabe kä sik khai süte nei” cik ci.

JOHAN 11:21

Mahta naw, “Bawipa, nang na om vai sü ung kabe kä sik khai süte;

JOHAN 6:7

Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.

EZEKIEL 27:17

Judah la Israel gui naw nang ah khawh cu, cuung htang, khoitui, oliv-situi la tui ng’ui awn hleih lawk ci gui.

SAM 78:41

Ngami naw leng ba ba ne Khanpughi cu m’nüm u ne, Israel ah Paciim Khanpughi cu nat sak ci gui.

2 GHANGPUGHANG GUI 7:1

Elisha naw, “Bawipa naw a i a pyen cu ngai ä! Ngawi ung a tuhbäi chü a khin ung, Samaria ung, cung htang ak ni pi pye thum käcung htang pye chuk cu ngui a phe awn na hleih khai nei” cik ci.

1 GHANGPUGHANG GUI 4:28

Uktu päng naw ami chaw ah kyak ciah htanghum la htang gong gui cu yatha kaih ciah ng’se gui la la gui ah om nak a hlü nak phung ung law püi ci gui.

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

JOHAN 6:11

Bawipa Jesuh naw m’htut cu la ne Khanpughi ah taigü netah, chang gui-am tei gui ci. Nga phi la ne tei gui ci.

JOHAN 21:9

Ngami cu tuikem ah ami gawk law ung m’htut gui la nga ng’shai cu hmuk ci gui.

JOHAN 21:10

Bawipa Jesuh naw, “Tuhbäi nami phaa ah nga amshah law püi vä” cik ci.

JOHAN 21:13

Bawipa Jesuh cu ami om nak ah law netah, m’htut cu ngami-am pe gui ci, nga phi pe gui ci.