JOHAN 6:7 - Cho Bible Common Language 2016

⁷ Philip naw, “Ngui phia-goi phu khleih ung phi, chang shikchü naw api ciah phi käng küh khai gui nei” cine pyein ci.

JOHAN 6:7 Referans Kwoze

MAKUH 6:37

Bawipa Jesuh naw, “Nangmi nami mät naw shin ah chang gui ei m’bei gui vä” ci nekiak na gui ci. Ang düihpüi gui naw, “Keimi naw tangka phia goi phu, ei vai khleih ne shin ah chang gui-am kami m’bei gui vai ma?” ci ne ng’shi ba ci gui.

JOHAN 12:5

Angdüihpüi tumat Bawipa yoi khai ah chang naw, “A i ah kyasei shin ah tuing’ui cu ngui phia thum ah yoi ne pyamthaam ci gui-am kä na peit gui ang?” cik ci. Ani cu a ngawi ah ga ah kut ung Bawipa Jesuh ap khai ah chang ah kyak ci.

MATTHE 18:28

“Cun ung phi ani cu phyawng ne a hteh ba kawn ah, lam ah ngui api ak pu tu ah ak changshäm paw cu hmu ne, a gawn ung pha ne k’pang netah, ‘Ka ngui na pu tu cu a tuhbäi na thung law ba ä,’ ci ne k’ceet ci.

2 GHANGPUGHANG GUI 4:43

Cun ung phi ani naw, “Chang phia ah phäh ah shin cu ng’büh khai ah na ngai ne ma?” cik ci. Elisha naw, “Ami ei vai ah pe gui ä, a i ah kyasei ci ung ngami naw ei khai gui, cun kawn ah phi k’pawih ba khai cine, Bawipa naw pyen ci nei” cik ci.

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

JOHAN 1:44

(Philip cu Andrew la Peter ah om nak Bethsaida kho ah kaa ah kyak ci.)

JOHAN 1:45

Philip naw Nahtanelah hmu netah, “Moses naw thukhän ung a guk la, Profet gui naw ami guk ah mäih ah, Nazaret kho ah kaa Josef ah hta Jesuh cu, ni hmu pyi ci nei” cik ci.

JOHAN 1:46

Nahtanelah naw, “Nazaret ungka akni ng’tüisho hning khai ma?” ci khätah, Philip naw, “Law ne teng lawä” cik ci.

JOHAN 1:48

Nahtanelah naw, “A i hawkcha ah kei na na hmat ang?” cine ng’shik ci. Bawipa Jesuh naw, “Philip naw kä a ning khü pha ung, kthei ghing kaa ah om ci sei, ka ning hmuk ci nei” cik ci.