JOHAN 6:44 - Cho Bible Common Language 2016

⁴⁴ a u phi kei ah kä law hlawt khai, kei ah lawk ci cu akhnu hnüüp ung sih nak ungka ka thawh sak ba khai.

JOHAN 6:44 Referans Kwoze

JOHAN 6:65

Cun ah kyasei Bawipa Jesuh naw, “Kei naw tuhbäi ka pyein hlü cu, Kapa Khanpughi naw kä am gein ung a u phi, kei ah kä law hning ci” cine pyen na gui ci.

JOHAN 12:32

Kei cu m’dek ungka chang ne k’phäi nak ka gah kawn ah chang avan cu kei ah gawk lawk khai ah ka thäm khai nei” cik ci.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

JOHAN 6:45

Profet gui ah ca guk ung, “Chang avan cu Khanpughi naw m’theithang gui khai, Kapa ah ng’thu ng’ya ne akni ah ng’thei ci gui phung cu kei ah law ci gui.

JEREMIAH 31:3

ashou nak ah ka naw ngami ung ka ng’dang ci. Israel chang gui, kei naw angtäi sei ka ning m’hni gui ci, Cun ah kyasei kei naw ng’täi ciah ka m’hni nak cu k’täi ne ka ning m’dang gui ci.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

HOSEA 11:4

Kei naw ngami cu yum nak la m’hni nak awn ka kaih gui ci. Kei naw ngami cu kaw gui ne ka ng’being pha khai ah ka chang gui ci. Kei naw ngami ah ma ah kawp ne ka m’bei gui ci.

KOLOSE 2:12

Tui nami ng’hniim cu Bawi Khrit awn nami ng’ciim nak ah kyak ci. Tui nami ng’hniim nak ung Bawi Khrit awn nami tho ba ciah kiak ci. Cun cu ani sih nak ungka thawh ba sak ciah Khanpughi ah tholet ciah hlüngtai nak nami yum nak awn ah kyak ci.

PHILIPPIAN 1:29

Nang mi cu ani nami yum nak bäng awn ah kä kyak ciah ani ah hmawk ah yaica nak nami gah nak awn Bawi Khrit ah khuut bi nak vai ah a khin k’ni cu nami gah ci.

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

JOHAN 8:43

Kei ah thu cu a i ah kyasei kä nami hmat ang ci ung, nangmi ung kei ah ng’thu nami hmat nak vai thagui kä ah om su ah kyak ci.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

JOHAN 6:43

Bawipa Jesuh naw, “Nami mät naw kä ngaih-tüh khit vä, na tüi lawk ciah Kapa naw kä a law püi ung,