JOHAN 6:32 - Cho Bible Common Language 2016

³² Bawipa Jesuh naw, “Kei naw akcang ka pyein cu Moses ah ning peit gui ah m’htut cu, khankho ah kaa ei awk ah kä kyak ci, Kapa Khanpughi naw a ning peit gui cu, khankho ah kaa m’htut akcang ah kyak ci.

JOHAN 6:32 Referans Kwoze

JOHAN 15:1

“Kei cu sapyit phung akcang ah ka kyak ci, Kapa cu kho ng’lei k’ngäng ah kyak ci.

JOHAN 6:58

Shin ah m’htut cu khankho ah kaa kya lawk ciah kya ne, ei kawn ah sik nak ah kyak ciah, nami pupa gui ah ei ah m’htut awn kä täng ci. Shin ah m’htut ei ciah chang phung cu angtäi ah ghing khai” cine m’thein gui ci.

PHYAWN NAK 16:4

Bawipa naw Moses am, “Tuhbäi nami van ah hmawk ah khankho mik ungka, ei khaw ka aa law sak khai nei. Chang gui cu a cu ah a hnüüp tä hteit u ne, ami ng’büh nak vai ah ei cu lak khai gui. A cu cha ah ka m’cäi nak ami läk la kä cun cu ka hmuh vai ah kei naw ka m’nüm gui khai nei.

KALATIAN 4:4

Cun ung phi ak hnu ah akhin küm law khätah, Khanpughi naw Ahtapa cu yuk m’kyum lawk ci. Ani cu hnicim chang nu nah ne ng’tüi law ne, Jew gui ah thukhän kaa ah om lawk ci;

JOHAN 6:55

Kei ah sa cu ei akcang ah kyak ci, kei ah si cu awk akcang ah kiak ci.

JOHAN 6:50

Cun ung phi khankho ah kaa kya lawk ciah m’htut ei ci cu, sih nak kä hmuk khai.

JOHAN 6:41

Bawipa Jesuh naw, “Kei cu khankho ah kaa kya lawk ciah m’htut ah ka kyak ci” cik ci. Cun a cicu chang gui naw ngai khit u netah,

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

JOHAN 1:9

Akcang ah akdei cu khomdek khan ah gawk law ne chang van ah khan ah khang ci.

SAM 78:23

Cun ung phi ani naw Khan mawpi ah thu m’shäk ne, am kawt gui cu hmawn sak ci;

PHYAWN NAK 16:8

Moses naw, “Bawipa naw mühun ah nami ei vai ah meh, khaw ngawi ah nami ng’büh nak vai ah m’htut ning pe gui khai nei, a i ah kyasei ci ung a i hlawk ah ng’thu m’da ne nami hnungtuk püi cu ani naw ng’yak ci nei. Ng’thu m’da ne keimi nami na hnungtuk püi gui cu akcang ah Bawipa cu ng’thu m’da ne nami hnungtuk püi ah kyak ci nei” cik ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

JOHAN 6:31

A i gui ang nabi kaw? Cacim theing ung, “Ani naw khankho ah kaa m’htut cha lawk ci” ciah a om ah mäih ah kami pughi gui naw, bungpuk khong-gau ah Mannah m’htut cu ei ci gui nei” cik ci gui.