JOHAN 6:31 - Cho Bible Common Language 2016

³¹ A i gui ang nabi kaw? Cacim theing ung, “Ani naw khankho ah kaa m’htut cha lawk ci” ciah a om ah mäih ah kami pughi gui naw, bungpuk khong-gau ah Mannah m’htut cu ei ci gui nei” cik ci gui.

JOHAN 6:31 Referans Kwoze

NEHEMIAH 9:15

“Ei ami cawi ung khankho ah ka m’htut na pe gui ci, Tui ami gha ung lungnu ungka tui na pe gui ci. Nang naw na pek gui vai ah shai na tak khaw cu ami khäm vai ah nang naw na pyen na gui ci.

SAM 105:40

Ngami naw ng’zoi u sei, shihmuk kha tüih law gui ne, ami phü vai ah khan kho m’htut pe gui ci.

JOHAN 6:49

bungpuk khonggau ah, mannah m’htut cu ei u ne phi, si yawp ci gui.

PHYAWN NAK 16:35

Israel gui naw Manna m’htut cu khokum phlikip ung ei ci gui. Ami om nak vai ah Kanaan khaw ah kä ami gawk pha ah chuih ah kyak ci.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

NEHEMIAH 9:20

Na ni nak awn a i ami bi vai cu nang naw na m’thein gui ci. Nang naw mana m’htut m’bei gui ne ami awk vai tui na pe gui ci.

THULÄÄN NAK 8:3

Ani naw ning cawi sak gui ci, cun kawn ah nami ei vai mana m’htut ning pe gui ci. Cun cu nangmi la nami pupa gui naw kä nami ei man ah kyak ci. Ani naw shin ah bi ne a ning m’theithang gui cu, chang cu m’htut bäng ung ng’khüng ne ghing ciah kä kyak ci.

1 KORIN 10:3

Ami van naw täng ciah mümcha m’htut cu ei u ne, täng ciah mumcha tui cu awk ci gui.

JOHAN 6:58

Shin ah m’htut cu khankho ah kaa kya lawk ciah kya ne, ei kawn ah sik nak ah kyak ciah, nami pupa gui ah ei ah m’htut awn kä täng ci. Shin ah m’htut ei ciah chang phung cu angtäi ah ghing khai” cine m’thein gui ci.

JOSHUA 5:12

Manna m’htut kä kya law ba ci, cun kawn ah Israel gui naw kä gah ba ci gui. Cun ah khin ung tün ne Kanaan khaw ah geit ei ci gui.

JOHAN 6:32

Bawipa Jesuh naw, “Kei naw akcang ka pyein cu Moses ah ning peit gui ah m’htut cu, khankho ah kaa ei awk ah kä kyak ci, Kapa Khanpughi naw a ning peit gui cu, khankho ah kaa m’htut akcang ah kyak ci.