JOHAN 6:26 - Cho Bible Common Language 2016

²⁶ Bawipa Jesuh naw, “Kei naw akcang ka pyein cu, nangmi naw kei nami na shui cu, cäi aih vai kabi nami hmuhmat su ah kä kyak ci, m’htut nami phü ah nami ei tu ah hmawk ah kyak ci.

JOHAN 6:26 Referans Kwoze

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

PHILIPPIAN 2:21

A hei chang gui läi cu ami mät ah hmawk bäng ngaih-tüh u ne Bawi Jesuh Khrit ah bi cu kä k’tha nak ci gui nei.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

1 TIMOTHI 6:5

gui cu ng’lih pyou sak ci. Cun ah om ih ciah chang gui cu ami lung ngaih hnga sei, thu düng caciim kä hmat ci gui ah kiak ci. Ngami naw yum nak ah lam cu bühmang nak ah lam ah ngai ci gui.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

SAM 78:37

Ngami cu ani ah khan ah kä chang m’sui ci gui, ani awn ami shaitak ung kä bekhüt ci gui.

JOHAN 6:24

Chang gui naw acun ung Bawipa Jesuh la ang düihpüi gui cu kä hmu u netah, hleiko ung kai ba ne Bawipa Jesuh shui ba khai gui ah Kapenaum kho gaa ah vang kat vü ba ci gui.

JOHAN 3:5

Bawipa Jesuh naw, “Kei naw akcang ka pyein cu, tui la Mumcha Theing awn kä ng’tüi cicu Khanpughi ah uknak kho ah kä lut hlawt khai.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

JOHAN 6:64

Cun ung phi nangmi ungka amshah naw kä yum ci” cine kyak na gui ci. (Kä yum tuk ciah chang gui la ga ah kut ung ap khai ah chang cu Bawipa Jesuh naw akhtük ge ung hmat ci.)

JOHAN 6:53

Bawipa Jesuh naw, “Kei naw akcang ka ning m’thein gui cu, chang ah Htapa ah asa kä ei ne, asi kä nami awk ung, nangmi naw ghin nak kä nami gah khai.

JOHAN 6:47

Kei naw akcang ka pyein cu, “Kei na yum ciah chang cu angtäi ghin nak gah ci.

JOHAN 6:30

Cun ah chang gui naw, “Keimi naw hmu u netah, kami ning yum nak hning vai ah, a i cäi aih vai gui ang nam dang kaw?

JOHAN 6:15

Cun ah chang gui naw Bawipa Jesuh cu, ghangpughang ah ling ne k’hmoh lawk khai gui ah hmat netah, amät bäng khomhtung khan ah kai ne om ci.

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

JOHAN 6:36

Cun ung phi nangmi naw, kei cu, na hmu lang u ne, kä nami na yum ci, ka ci pyi ci nei.