Biblia Todo Logo
Bib sou entènèt

- Piblisite -




JOHAN 6:2 - Cho Bible Common Language 2016

2 Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

Gade chapit la Kopi




JOHAN 6:2
19 Referans Kwoze  

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.


Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.


Cun ah ami hteh cu chang gui naw hmu gui u netah, Bawipa Jesuh la ang düihpüi gui ah hmat gui ci gui. Cun ah kya sei apigaw päng ungka lawk ciah chang gui cu, Bawipa Jesuh ah hteh nak vai lam ah, ng’yung lam ung ak yang ah ana ma u ne, Bawipa Jesuh la ang düihpüi gui kä gawk pha u sei, ana gawk ci gui.


Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.


Bawipa Jesuh cu m’htung khan ah kaa kyum law ba khätah, chang khli naw läk lawk ci gui.


Gawk lawk ciah chang gui cu da aih u khätah, Bawipa Jesuh cu hleiko khan ah kai ne ngok ci. Chang gui cu tui kam ah ng’düi ci gui.


Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.


Bawipa Jesuh naw, phiawn nak (Pasakha) pawi yah ung Jerusalem ah cäi aih vai abi gui cu, chang gui naw hmu u netah, chang akda naw yum lawk ci gui.


“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.


Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.


A ngawi ung vang gaa ah om shüt ciah chang gui naw, hleiko tumat om te ci, cine shui ba ci gui. Acun ah hleiko ung Bawipa Jesuh kä om tu sei, ang düihpüi gui bäng ami hteh ba cu hmuk ci gui.


Bawipa Jesuh naw, “Kei naw akcang ka pyein cu, nangmi naw kei nami na shui cu, cäi aih vai kabi nami hmuhmat su ah kä kyak ci, m’htut nami phü ah nami ei tu ah hmawk ah kyak ci.


Cun ah chang gui naw, “Keimi naw hmu u netah, kami ning yum nak hning vai ah, a i cäi aih vai gui ang nam dang kaw?


Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?


Cun ah cäi aih vai ah mawng gui cu ngak ba u sei, ng’yak tuk ciah chang gui cu Bawipa Jesuh ana dou vai ah gawk lawk ci gui


Ami hmuh vai ah cäi aih vai gui m’dang sei phi ngami naw kä yum ci gui.


Bawipa Jesuh naw ang düihpüi gui ah ma ah am dang cäicat vai gui, shin ah ca uk ung kä guk tu akda om ci.


Swiv nou:

Piblisite


Piblisite