JOHAN 6:19 - Cho Bible Common Language 2016

¹⁹ Ang düihpüi gui cu, maing thum phli vai ung hleiko awn ami hteh kawn ah Bawipa Jesuh cu tui khan ah ng’düi ne ana a vü sei hmu u netah, cäicat ne kyikyawk ci gui.

JOHAN 6:19 Referans Kwoze

JOHAN 14:18

“Kei ka hteh law ung nami mät kä ka ning nawng gui khai,

SAM 93:4

Bawipa naw hlüngtai ne khan kho cu uk ci, Ani cu tuinu ah gaai ah mä dämduh pi ne, tuinu ah ng’hnawh ata hlüngtai pi ci nei.

JOB 9:8

Khanpughi amät bäng naw khankho gui cu yuk khui lawk ci. Tuinu likim ah m’ghuk cu leh ci.

JONAH 1:13

Cun ung phi ngami naw htinpaw tuikam ah a gawk vai ah ami thagui avan awn tha nak ci gui. Cun ung phi kä ci hlawt ci gui. Khokhi tui hmawk cu däm law piktäi ci. Ngami hawi kä gawk hlawt ci gui.

EZEKIEL 27:26

Nang cu hlei hlaw ci gui naw tuinu ung ami ning law püi ung, Akiang täng ah khokhi naw kawng asho nak ung ning m’shän ci nei.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

THU PHLAAN 21:16

Mang gaw cu ayun akdang ng’cawih ne, ng’hniing ne ng’aai ci. Khankho chang naw ghui ng’mui pum awn cun ah mang gaw cu nüt khätah, ayun akdang a hlüng ni cu mäng phiaa gha-lei-hma bäng bäng lawk ci.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

JOHAN 11:18

Bethani cu Jerusalem awn maing goi phi kä ng’lak nak ci.

LUKA 24:13

A cu hnüüp ung ang düihpüi hnih goi cu Emmaus pigaw ah hteit ci goi. Cun ah pigaw cu Jerusalem ungka naw mü chih shou ci.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

JOHAN 6:18

Cun yah ung kho ng’pheet ne khi law sei, tuili ung tui ng’hnawk lawk ci.

JOHAN 6:20

Bawipa Jesuh naw, “Kä kyikyawk vä, kei nei” cik ci.