JOHAN 6:14 - Cho Bible Common Language 2016

¹⁴ Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

JOHAN 6:14 Referans Kwoze

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

LAMKTU 7:37

Khanpughi naw ami mät pakhui ung ka, Profet tumat cu, kei a na tüih law ah mäih ah tüi lawk khai nei” ci neh Moses naw Israel chang ghu am pyen na gui ci.

MATTHE 11:3

“Nang cu Johan naw lawk khai, a ciah Bawipa ang? Kä cung a hei Bawipa kami ngäng ba khai ang? ciah ng’shi vä, cine, ng’shi sak gui ci.

JOHAN 7:40

Chang khli ungka chang akda naw Bawipa Jesuh ah ng’shäu cu ng’ya u netah, “Shin ah chang cu profet akcang ah kyak ci nei” cik ci gui.

JOHAN 1:21

Ngami naw, “Cun ung nang a u ang? Nang Eliah ma?” cine ng’shi ba ci gui. Johan naw, “Kei cu Eliah ah kä ka kya ci nei” ci ba ci. Cun ung nang profet ma cine ng’shi ba mä u sei phi, “Ka nei” ci ba ci.

JOHAN 4:19

Cun ah hnumi naw, “Bawipa, nang cu profet ah na kyak ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

JOHAN 4:42

Ngami naw cun ah hnumi-am, “Keimi naw kami yum law cu nang ah nam thein gui ah hmawk ah kä kyak ci, kami mät naw ang thu cu ng’ya u ne kami yum ci. Khomdek khan ah Hunbawi akcang ah kyak ciah kami hmat ci” cik ci gui.

JOHAN 4:25

Cun ah hnumi naw, “Messiah Bawipa a gawk law vai cu, ka hmat ci, ani a gawk law ung a päng avan nam thein gui khai” cine pyein ci.

LUKA 24:19

Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.

LUKA 7:16

Chang gui cäicat u netah mikmi ung profet mang tumat dang law pyi ci nei, Khanpughi cu akchang gui hun khai ah law pyi ci nei” cine Khanpughi cu m’hlüngtai ci gui.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

JOHAN 6:26

Bawipa Jesuh naw, “Kei naw akcang ka pyein cu, nangmi naw kei nami na shui cu, cäi aih vai kabi nami hmuhmat su ah kä kyak ci, m’htut nami phü ah nami ei tu ah hmawk ah kyak ci.

JOHAN 6:30

Cun ah chang gui naw, “Keimi naw hmu u netah, kami ning yum nak hning vai ah, a i cäi aih vai gui ang nam dang kaw?

JOHAN 11:27

Mahta naw, “Ka yum ci nei Bawipa, nang cu khomdek khan ung kyum lawk ciah Khanpughi ah Htapa, Messiah ah na kyak cu, ka yum ci nei” cine pyein ci.