JOHAN 5:43 - Cho Bible Common Language 2016

⁴³ Kei cu Kapa ah m’khüt näng nak awn ka lawk ci, cun ung phi nangmi naw kä nami na dou ci. Chang tumat cu amät ah m’khüt näng nak awn a law vai sü ung nami dou khai sü te nei.

JOHAN 5:43 Referans Kwoze

JOHAN 10:25

Bawipa Jesuh naw, “Kei naw ka ning n’thein gui pyi ci, cun ung phi nangmi naw kä nami yum ci. Khanpughi ah nam cäi ah kabi nak naw kei ah mawng cu saksi ci.

MATTHE 24:5

Kei cu Messiah nei,’ cine chang akda naw kei ah ng’hlawk ne chang khli m’hleeihlak lawk khai gui nei.

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

JOHAN 12:28

Cun ung phi kei cu shin ah caiya nak ah a khin cu ka aut khai ah ka lawk ci nei. O Kapa, Na ming theing ung na bämang nak dang sak ä” cine kyak ci. Acun vai-am Khankho ah kaa thang lawk ciah k’aw naw, “Kei naw ka ming theing ah bämang nak cu kang dang sak pyi ci nei, cun kawn ah phi ka dang sak ba khai nei” cine pyein ci.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

LAMKTU 21:38

Zanhta shäng ung ng’küükneet ne ng’tuk bi khai ah, chang phia phli-kip khah püi ne, bunghmu ah dawng ciah, Egypt chang cu nang ah kä kya ne ang?” cine ng’shik ci.

EZEKIEL 23:21

(Oholibah, nang cu Egypt khaw ah hnumi hta ah kya ne na om yah ung pami gui naw na suuk ning k’düüp u sei na hnumi hta nak cu shum ci, nang naw acun ah ng’yaw ng’pawn nak cu na ng’ya ba hlük ci nei.)

JOHAN 5:42

Cun ung phi nangmi ah mawng cu ka hmat ci. Nangmi ah m’lung kyong ung Khanpughi yumhni nak kä om ci.