JOHAN 5:4 - Cho Bible Common Language 2016

⁴ (Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)

JOHAN 5:4 Referans Kwoze

JOHAN 5:3

Cun ah ng’vong pei ah amik m’dauh ni, akho hnget ni, a kut kho shum ci ni, ak gaw akda ng’yän ci gui.

JOHAN 5:5

Acun ung khokum thum-kip-lei-cheit ung gaw ci phi om tuk ci.

JOHAN 5:7

Cun ah ak gaw naw, “Bawipa, tui ang hnawh law ung, tuili ung nang hnim tu sak khai phi a u kä om ci nei. Tui ung kang hnim tuk khai ka pawng tu yah ung a hei ng’hnim ma ci ci nei” ci ne pyein ci.

2 GHANGPUGHANG GUI 5:10

Elisha naw changshäm tüi law ne, Jordan tuinu ah hteit ne chih vei angsi vai ah m’thein sak ci, cun ung a gaw nak maih yüm yüm khai nei cik ci.

SAM 119:60

Kä sho shü ne ang ghit ah na thumkhän läk vai ah ka bik ci nei.

NG'THU K'THUUK~ 6:4

Na mät hteit ne kä na ih düt vai, kä na ng’düm düt vai.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

EZEKIEL 47:8

Ani naw na pyen nak ci, “Shin ah tui lawng naw ak kyang täng ung khaw cu yuk kaan ne, Jordan khongnawi ung gawk ne, Tuisi Tuinu ah zu kyum ci. Cun ah tui cu tuisii tuinu ung kyum neta tuinu ung m’sii tui cu tui gei ah kyak sak ci.

HOSEA 13:13

Israel gui cu ghin nak vai chaw nak ci gui. Cun ung phi cun ami lak vai ah ang aih ci gui — Hta nak vai ah akhin ah kyasei phi puk ungka aluh law vai ah mak ciah a hmaw awn täng ci gui.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

MATTHE 11:12

Tuihnim Johan naw ng’thu a pyein law ung tün ne, tuhngawi ung khüt sei khankho cu, changshe gui naw ng’tuk ng’ah püi ci gui. Cun ah kho cu changshe gui naw khäm yawp vai ah k’tha nak ci gui.

LUKA 13:24

“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.

LUKA 16:16

Tuihnim Johan kä a ng’dang pha ung Moese ng’thukhän gui la profet gui ah cacim gui cu kümbe te ci. Johan ang dang kawn ah tün ne, Khanpughi ah uknak ah mawng ng’Thu Ni cu pyein sak law ah kyak ci. Chang akda gui Khanpughi ah uknak kho ah ng’gut ne lut lawk ci gui.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.