JOHAN 5:37 - Cho Bible Common Language 2016

³⁷ Na tüi lawk ciah Kapa Khanpughi amät naw phi, kei ah mawng cu saksi ci. Nangmi naw ani ah k’o kä nami ng’ya man khai, amüi phi kä nami hmu man khai;

JOHAN 5:37 Referans Kwoze

JOHAN 8:18

Kei naw ka mät ah mawng ka saksi ci, na tüi lawk ciah Kapa naw phi, kei ah mawng cu saksi ci” cine pyen na gui ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

1 TIMOTHI 1:17

Ang täi ah ghing ciah Ghangpughang, sih nat nak kä om ci, mik awn kä hmuh thei, tumat bäng ah Khanpughi cu — m’tam khah nak la bämang nak awn hta ng’shon ung om sä! Amen.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

MATTHE 3:17

Cun kawn ah, “Shin cu kei ah ka m’hni ah Ka Htapa nei, ani cu ang htei ah ka yei nak ci nei,” ciah khankho ah k’aw ng’shan lawk ci.

1 JOHAN 4:20

Kei Khanpughi kam hni ci nei, ci netah a phäi nau thüi nak ciah chang cu hleei ciah kyak ci. A mik awn a hmuh ah a phäi nau hngaw kä m’hni hlawt ci naw, amik awn kä a hmuh ah Khanpughi cu käm hni hlawt khai nei.

1 JOHAN 4:12

Khanpughi cu a u naw kä hmu man ci, cun ung phi tumat la tumat mi ng’yum hni tu ah a kyak ung, Khanpughi cu mikmi ung om ci, Am hni nak cu mikmi ung kümbe ci.

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

THULÄÄN NAK 4:12

Mei ung om ne Bawipa naw a i hawkcha ah a ning thu püi gui, a i cha ah thu sei nami ng’yak, cun ung phi amüi kä nami hmuh ah mawng cu nami m’thein gui vai.

PHYAWN NAK 20:19

Ngami naw Moses am, “Nang naw na ng’thu püi gui ung keimi naw kami ngai khai, cun ung phi Khanpughi naw na ng’thu püi gui sei kami kyik ci, kami si lawk khai nei” cik ci gui.

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

ISAIAH 26:10

Nang naw changshe gui cu na m’gein gui ung phi, Ngami naw düng ci bi vai cu kä ng’thei phung ci gui nei. Shin ah chaung düng gui ah khaw ung phi ngami naw a cheishoh bi lä ci gui nei; Nang ah dämduh nak k’püüi tu vai ah mak ci gui nei.

MAKUH 1:11

Cun kawn ah khankho ah kaa k’aw cun phi, “Nang cu kam hni aih ah ka ning Htapa nei, nang ung kei ka yeikyai ci nei” ciah thang lawk ci.

LUKA 3:22

Mumcha Theing cu mümbawk ah mäih ah yong law ne, ak khan ah ngo law khätah, “Nang cu ka ning m’hni aih ah ka ning Htapa nei” ciah khankho ah ng’thu k’aw cu thang lawk ci.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

JOHAN 5:32

Cun ung phi kei ah mawng pyein ne saksi ci tumat om ci. Ani ah saksi cu düng ciah kei naw ka hmat ci.

1 JOHAN 5:9

Mikmi naw chang ah saksi cu mi yum ci, cun ung phi Khanpughi ah saksi cu m’khungpang pi bäih ci. Ani naw saksi nak ana peit gui cu A Htapa ah mawnglam ah kyak ci.