JOHAN 5:35 - Cho Bible Common Language 2016

³⁵ Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.

JOHAN 5:35 Referans Kwoze

2 PETER 1:19

Cun ah kyasei keimi naw profet gui ah ng’shäu ah ng’thu cu kami yum law pi ci. Cun cu nami ngaih-tüh kheng vai nei, a i ah kia sei ci ung cun cu hmüp khui ung mei m’däi ah mäih ah, kho a thaih law güt nami m’lung kyong ung khäng ciah thaihke aisi ah kiak ci.

MATTHE 11:11

Kei naw akcang ka pyein cu, khomdek khan ung Johan ah hlüngtai pi ci, a u kä om ci. Cun ung phi khankho ung ak hmaw pibäih cu, Johan ah mä hlüngtai pi ci nei.

JOHAN 6:66

Cun ung tün ne Bawipa Jesuh ah angkhah püi gui akda cu kängläk tu ba ne ng’hlat ba shüt ci gui.

LUKA 7:28

‘Anu ah puk ung ng’tüi lawk ciah chang gui nüng ung, Johan ah bämang pi cicu a u kä om ci nei” cine ka ning m’thein gui ci. Cun ung phi Khanpughi ah Uknak kho ung akyaw pi k’bäih cu Johan na mä bämang ba pi ci nei” cine m’thein gui ci.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MATTHE 21:26

Chang ah peit ah m’khüt näng nak awn pek ci mi ciah a kyak ung chang gui naw Zohan cu profet tumat ah yum ci gui kya ne, cun ah chang gui cu kyih gui vai kyak ci,” cine ami mät ng’cecäk ci gui.

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

2 SAMUEL 21:17

Cun ung phi Zeruiah ah hta Abishai cu David ah kugam nak awn law neta, chang dämcham cu tu ne, ngawn ci. David ah a chang gui naw, David cu ngami awn a täng ah ng’tuk nak ung kä a hteh tuba vai ah shaitak sak ci gui. Ngami naw, “Nang naw Israel gui ah ngaih u ah na kyak ci, keimi naw na sih vai kä kami m’hni ci” cik ci gui.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

MAKUH 1:5

Judea kho la Jerusalem mang gaw ungka chang akda cu law ne Johan ah thu ngai lawk ci gui, ngami cu ami katnak ung ng’yu ba u ne, Jordan tuinu ung tuihnim ci gui.

PHYAWN NAK 34:35

Ngami naw ani cu a hmai pyü sei hmuk ci gui. Ani naw Bawipa awn ng’thu khai goi ah kä a valuh ba pha ah chuih a hmai cu sam awn shung ci.