JOHAN 5:3 - Cho Bible Common Language 2016

³ Cun ah ng’vong pei ah amik m’dauh ni, akho hnget ni, a kut kho shum ci ni, ak gaw akda ng’yän ci gui.

JOHAN 5:3 Referans Kwoze

LUKA 7:22

Bawipa Jesuh naw Johan ah tüih law gui-am, “Hteit ba ne nami hmuh nami ng’yak cu Johan-am m’thein ba vä; amik m’dauh ci gui m’dei ba ci gui, akho ng’khem ci gui hteit ba thei ci gui, kheilei ung gaw ci gui theek ba ci gui, ak hnga pang ci gui ng’ya ba ci gui, sik ci gui ghing ba ci gui, dukhaih ciah chang gui naw ng’Thu Ni ng’ya pyi ci gui nei.

MATTHE 15:30

Chang gui naw akho khem, amik m’dauh, ak shum, ak ang gui la gawpai ci gui akda a pei ah law u sei, gai ba sak gui ci.

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

NG’ÄI KYAH 3:26

Cun ah kyasei m’lung sau nak awn k’äih cu mikmi ah phäh ah akni pi ah kyak ci — ani naw ana hun gui vai ah mi k’äih ci.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

ROMAN 8:25

Mikmi naw kä mi hmuh cu m’lung üp ne mi ngaih u ne, hnimgei nak awn mi ngäng ci.

NG'THU K'THUUK~ 8:34

Kei na ngai ciah chang cu — A hnüüp tä ka m’kawt pei ah ng’düi ne, ka im kawt ung lut khai ah ngäng ciah chang cu yeikyai nak om khai.

1 GHANGPUGHANG GUI 13:4

Ghangpughang Jeroboam naw cun cu ng’ya neta, ani cu a kut awn tawk ne, “Shin ah chang cu pha vä” cik ci. Acun vai am ghangpughang ah kut cu k’shum sei kä va saw ba hlawt ci.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

JOHAN 5:4

(Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)