Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.
Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.
Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.
Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.
Khanpughi cu chang avan am hnun gui ghing nak la a päng avan yuk pek ciah kya ne, ang yaak hlü tumatmat om ciah mäih ah chang naw kut awn bi vai kä ng’ya hlük ci.
Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.
Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.
A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.
Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.