JOHAN 5:23 - Cho Bible Common Language 2016

²³ Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

JOHAN 5:23 Referans Kwoze

1 JOHAN 2:23

A Htapa hnu ng’tuk püi ci cu, Apa hnu ng’tuk püi ciah kyak ci: Ahtapa dou ciah chang cu Apa dou ciah kyak ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

2 JOHAN 1:9

Bawi Khrit ah m’theithang nak ah kyong ah kä om ne, ak pung ah om ciah chang ung Khanpughi kä om ci. Bawi Khrit ah m’theithang nak kyong ung om ciah chang cu Apa la A Htapa ani nik hnih ah om nak ah kyak ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

HEBRU 1:6

Cun ung phi Khanpughi naw ng’tüi htük ciah A Htapa cu m’dekhan ah a tüih law vai ung, “Khanpughi ah khanchang avan naw, Ani cu ami khawihnah vai nei”, ci ne pyein ci.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

ROMAN 6:22

Cun ung phi nang mi cu tuk bäi katnak ungka phyawng ne, Khanpughi ah khlei-htein ah nami kya pyi ci. Nang mi ah gah ah bämang nak cu, Bawipa am nami ghin nak ak be ah ap ne, ak hnu ah ang täi ghin nak nami gah ah kyak ci.

JOHAN 16:14

Ani naw kei ungka a gah ah ng’thu cu ning m’thein gui khai kia sei, kei ah bämang nak cu dang lawk khai.

1 KORIN 6:19

Nami pumsa cu Mumcha Theing ah pum im ah kyak ciah kä nami hmat ci maa! Cun ah nangmi ung om ciah Mumcha Theing cu Khanpughi ah ning peit gui ah kyak ci. Nami mät naw nami mät kä nami khäm ci, Khanpughi naw vah khäm ci.

MATTHE 12:21

Chang pakhui avan naw phi ani cu ngaih u khai gui,” ciah kyak ci.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

2 KORIN 5:19

Keimi ah ng’thu pyein cu, Khanpughi naw hnicim chang avan, Bawi Khrih awn a teihpüi ah pyan ci ciah mawng ah kyak ci. Khanpughi naw chang gui ah katnak cu kä m’hnüt pe gui ci, chang gui a teihpüi ah a kyak sak nak gui ah mawng, thu cu na pe gui ci.

2 KORIN 1:9

Kami mät naw kami mät sih nak ung kami gawk ciah kami ngai ci. Cun ah a kyak cu keimi naw, kami mät kä ngaih u, u ne, ak si thawh ba sak ciah Khanpughi kami ngaih u vai ah hmawk ah kyak ci.

1 KORIN 1:3

Mipa Khanpughi la Bawipa Jesuh Khrit ah m’geinsei nak la dimdeeih nak cu nami van ah khan ah om sä.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

ISAIAH 45:21

Law ne nami mawngma cu yung ah pyen law vä; Ami chaak gui cu ami mät ng’ge ng’pai u sä. A i ah kya lawk khai ci cu cau pui a u naw cängbang ne ang? A chang gui hun gui ciah kei, Bawipa khanpughi ah kä kya ne ang? Cun kawn ah ahei khanpughi kä om ci nei.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

JOHAN 17:10

Kei ung om ci nüng nang naw na khäm ci, nang ung om ci nüng phi kei naw ka khäm ci. Cun gui awn kei ah bämang nak cu dang ci.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

ISAIAH 44:6

Bawipa, Israel gui uk gui ne, shungvong gui ci, m’gäi ciah Bawipa naw shin ah pyen ci; “Kei cu tün nak, khüm nak la tumat bäng ah Khanpughi ah ka kyak ci; a hei khanpughi kä om ci, kei bäng ah kyak ci.

ISAIAH 42:8

“Kei bäng cu Bawipa nami na khanpughi nei. A i ahei khanpughi naw phi kei ah bäimang nak cu kä ng’pai tuk khai nei; kei ah m’taam nak cu agup gui naw kä ng’pai tuk khai nei.

2 PETER 1:1

Simon Peter, Bawi Jesuh Khrit ah ak changshäm la ang düihpüi naw, Mi Khanpughi la Hunbawipa Jesuh Khrit ah peit ah, mikmi ah mäih ah küikyang ciah yum nak om ciah chang gui-am ca ka guk law ci nei.

ISAIAH 45:15

A Chang gui hun gui ciah Israel khanpughi cu, amät naw amät thup ciah khanpughi ah kyak ci nei.

MATTHE 15:8

Khanpughi naw, ‘Shin ah chang gui naw, ami shai awn Kei cu nam hlüngtai ci gui, Cun ung phi ami m’lung cu kei awn ng’shawng aih ci.