JOHAN 5:21 - Cho Bible Common Language 2016

²¹ Apa naw aksi m’ghin ba ne, ghin nak a peit ah mäih ah A Htapa naw phi ang yak hlü ah chang cu m’ghin ba khai.

JOHAN 5:21 Referans Kwoze

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

THULÄÄN NAK 32:39

Kei, Kei bäng Khanpughi, A hei a i Khanpughi phi akcang kä om ci. Kei naw ngawn ne ghin nak ka pe ba ci, Kei naw phleim ne kam tui ba ci, Kei ah bi cu a u naw kä hnungtuk hlawst khai.

JOHAN 11:25

Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

LAMKTU 26:8

Shin ung gawk law ciah chang gui! “Khanpughi naw sik ci a thawh ba sak cu, kä yum vai kyak ci” cine a i ah kyasei nami pyein ang?

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

2 GHANGPUGHANG GUI 5:7

Israel ghangpughang naw ca cu phat neta, a sui cu teek ne, “A hawcha ah shin ah chang kei naw ka gai sak vai ah Siria ghangpughang naw ngaih u ci ang? Kei cu sih nak la ghin nak ah huham awn om ciah Khanpughi ah na ngai ne ang? Shin cu kei a na ghüh hlawh tu ah kyak ci nei” cik ci.

1 GHANGPUGHANG GUI 17:21

Cun kawn ah Elijah cu a hmaw ah khan ah thumvei yuk bawk neta taigü ci, “O Bawipa ka Khanpughi, shin ah a hmaw cu ghin ba sak ä!”

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

1 KORIN 15:45

Cacim ung, “Ak htük ah chang Adam cu, a hnun ghing ah a tüi ah kyak ci, ak hnu bäih ah Adam cu Mumcha ghin sak ciah kyak ci.