JOHAN 5:18 - Cho Bible Common Language 2016

¹⁸ Kyin hnüüp ng’thukhän kaan ne bi bik netah mä, Khanpughi am kapa a ci la amät Khanpughi awn täng ciah a pyein ah hmawk ah Jew chang ng’vai gui naw, Bawipa Jesuh cu ngawn vai ah ng’ge law pi ci gui.

JOHAN 5:18 Referans Kwoze

JOHAN 10:33

Ngami naw, “Akni nabi ah phäh ah kami ning vawih hlü ah kä kyak ci, nang cu chang ah kya lang ne, Khanpughi ah ng’shei ne nang thu ah phäh ah kami ning vawi khai” cik ci gui.

JOHAN 10:30

Kapa la kei cu tumat ah kani kyak ci” cik ci.

JOHAN 19:7

Chang gui naw, “Ani cu amät naw a mät Khanpughi ah Hta ah a pyein ah hmawk ah sih nak peit vai ah keimi ah ng’thukhän ung om ci nei” cik ci gui.

JOHAN 8:58

Bawipa Jesuh naw, “Kei naw akcang ka pyein cu, Abraham kä ang tüi pha ung kei ka om pyi ci nei” ci na gui ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

PHILIPPIAN 2:6

Ani cu angtäi sei Khanpughi nupuk nak ci, Cun ung phi Khanpughi ah mäih ah ka kyak khai ciah ling ne kä k’tha nak ci.

THU PHLAAN 22:3

Khanpughi ah m’shetkat nak gah ci phung cu api ah phi cun ah mang gaw ung kä hmuh vai nei. Khanpughi la Htomehta ah mangkiaang cu cun ah mang gaw ung om sei, ak chang gui naw khawihnah khai gui nei.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

JOHAN 8:54

Bawipa Jesuh naw, “Kei naw ka mät kamtam khah ung, kei ah hlüngtai nak cu a kholä ah kyak ci. Kei namtam khah cicu kei ah Kapa ah kyak ci. Ani cu nangmi naw kami Khanpughi nei” nami cik ci.

JOHAN 7:19

Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

MATTHE 12:5

Cun kawn ah taigü gui naw kyin hnüüp päng ung kyin nak ah thukhän gui cu m’shet u sei phi m’kat nak gui kä om ci, ciah Mosesah thukhän ung om cicu kä nami phat tu man ci ma?

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

JOHAN 5:15

Ani cu hteit ba netah, Jew chang ng’vai gui ah ma ah, “Na gai ba sak cicu Jesuh nei” cine m’thein ba gui ci.

JOHAN 5:17

Bawipa Jesuh naw, “Kapa cu angtäi ah bi bik ciah kyasei, kei phi ka bik khai” cik ci.