JOHAN 5:16 - Cho Bible Common Language 2016

¹⁶ Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

JOHAN 5:16 Referans Kwoze

JOHAN 15:20

Nami shüm vai ah ka ning m’thein gui cu; ‘Chang shäm cu a bawi ah kä hlüngtai pi man ci.’ Kei ami na dukdeiu nak ung nangmi phi ning dukdeiu na gui khai gui; kei ah ng’thu ami ngaih ung nangmi ah ng’thu phi ngai khai gui.

JOHAN 10:39

Cun ci khätah chang gui naw, Bawipa Jesuh cu phak khai gui ah tha nak ci gui, cun ung phi ani naw lek gui ne a hei ah hteit ci.

JOHAN 7:25

Jerusalem ah chang amshah gui naw, “Shin ah chang cu ang vai gui naw ngawn vai ah shui ci gui ah kä kyasei ang?

JOHAN 5:13

Cun ung phi cun yah ah chang akda om ci gui ah kya ne, Bawipa Jesuh abü ah hteit tei ba sei, ani gai ba sak cicu a u bä ah kä hmat ba ci.

LUKA 6:11

Pharisee gui cu ang htei ah thüi ne m’lungshe u netah Bawipa Jesuh ah khan ah a i hawkcha ah bi bi vai ciah ng’ge ci gui.

MAKUH 3:6

Pharisee gui cu acun vai-am lut law ba u ne, Bawipa Jesuh cu ngawn vai ah k’bäi ci gui.

MATTHE 12:13

Cun kawn ah Bawipa Jesuh naw a kut shum ci-am, “Na kut m’cün ne k’phiäih ä,” cine pyen nak ci. Akut shum ciah chang naw a kut cu k’phiäih khätah, shum ciah a kut cu vangtäng ah mäih ah akni ah kya ba ci.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

JOHAN 5:10

Cun ah kyak sei Jew chang ng’vai gui naw, “A u naw a ning gai ba sak ang? thu ngawi cu kyinnak hnüüp ah kyak ci, na yih phah la ne na law ba cu thukhän nak kaan ciah kyak ci” cine kyak nak ci gui.

JOHAN 5:15

Ani cu hteit ba netah, Jew chang ng’vai gui ah ma ah, “Na gai ba sak cicu Jesuh nei” cine m’thein ba gui ci.

JOHAN 5:17

Bawipa Jesuh naw, “Kapa cu angtäi ah bi bik ciah kyasei, kei phi ka bik khai” cik ci.

JOHAN 5:18

Kyin hnüüp ng’thukhän kaan ne bi bik netah mä, Khanpughi am kapa a ci la amät Khanpughi awn täng ciah a pyein ah hmawk ah Jew chang ng’vai gui naw, Bawipa Jesuh cu ngawn vai ah ng’ge law pi ci gui.

JOHAN 7:21

Bawipa Jesuh naw, “Kei naw cäi aih vai tumat ka bi ung nami van nami cäicat ci.