JOHAN 5:15 - Cho Bible Common Language 2016

¹⁵ Ani cu hteit ba netah, Jew chang ng’vai gui ah ma ah, “Na gai ba sak cicu Jesuh nei” cine m’thein ba gui ci.

JOHAN 5:15 Referans Kwoze

JOHAN 4:29

“Kei ah ka om ih phung avan pyein hning ciah chang lawk ci nei, law ne teng law tu vä, ani cu Messiah ah kyak khai nei,” cik ne m’thein gui ci.

JOHAN 9:34

Ngami naw, “Nang cu nanupuk ung katnak awn nang vai lawk ciah kia lang ne, keimi na nam thein gui ci ma, cine pum im ung kaa k’täm ci gui.

JOHAN 9:30

Ani naw, “Nangmi naw ani a hawi kaa lawk ciah kä nami hmat ung phi, ani naw kei ah mik nam dei sak pyi ci nei” ci na gui ci.

JOHAN 9:25

Ani naw, “Cun ah chang katnak abi la kä ah bi cu kä ka hmat ci, kei ka mik m’dauh man te ci, tuhbäi kam dei law bäng vah ka hmat ci” cik ci.

JOHAN 9:15

Pharise gui naw amik am dei law ba ah mawng cu ng’shik ci gui. Ani naw, “Kei ah mik cu ng’nai awn na hluk khätah tui ung vam hla ne, kam dei lawk ci” cik ci.

JOHAN 5:12

Ngami naw, “Cun ah nabi vai pyein cicu a u ang?” cine ng’shik ci gui.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

JOHAN 5:10

Cun ah kyak sei Jew chang ng’vai gui naw, “A u naw a ning gai ba sak ang? thu ngawi cu kyinnak hnüüp ah kyak ci, na yih phah la ne na law ba cu thukhän nak kaan ciah kyak ci” cine kyak nak ci gui.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

JOHAN 5:18

Kyin hnüüp ng’thukhän kaan ne bi bik netah mä, Khanpughi am kapa a ci la amät Khanpughi awn täng ciah a pyein ah hmawk ah Jew chang ng’vai gui naw, Bawipa Jesuh cu ngawn vai ah ng’ge law pi ci gui.