JOHAN 5:10 - Cho Bible Common Language 2016

¹⁰ Cun ah kyak sei Jew chang ng’vai gui naw, “A u naw a ning gai ba sak ang? thu ngawi cu kyinnak hnüüp ah kyak ci, na yih phah la ne na law ba cu thukhän nak kaan ciah kyak ci” cine kyak nak ci gui.

JOHAN 5:10 Referans Kwoze

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

LUKA 6:2

Cun cu pharisee gui naw hmu u netah, “Thukhän ung kyin hnüüp ung a i kä bi vai om ci maw, a i ah kyasei bi nami bi ang?” cine ng’shi gui ci gui.

JEREMIAH 17:21

Ami ghin nak ami m’hni ah a kyak ung kyin hnüüp ung a i kä ami phuih en vai ah na m’thein gui vai nei; ngami cu Jerusalem m’kawt gui ung a i phuih phi phui ne kä ami hteh vai.

LUKA 13:14

Cun ah Bawipa Jesuh naw pum hnüüp ung ak gaw am gai ba ah, phäh ah pum im ngäng cicu m’lung k’she netah, “Bi bi nak vai kho hnüüp chuk om ci. Acun yah ung law ne gai nak nami ng’yoih law vai, Pum hnüüp ung kä nami law-en vai,” cine chang gui am pyen na gui ci.

MAKUH 3:4

Cun kawn ah Bawipa Jesuh naw, “mikmi ah thukhän a i ah mäih ah ang a om? kyin hnüüp ung akni bi vai ang, akshe bi vai ang? chang phiawn sak vai ang, m’di m’dap vai ang?’ cine ng’shi gui ci. Ngami cu api ah phi kä chiu ne om ci gui.

MAKUH 2:24

Cun hmuk ci gui ah pharisee gui naw, “Teng ä, nang düihpüi gui naw thukhän awn hnungtuk khai ah kyin hnüüp ung bi bik ci gui nei” cine Bawipa Jesuh cu kyak nak ci gui.

JOHAN 5:16

Cun ah kyin hnüüp ung akgaw a gai ba sak ung tün ne, Bawipa Jesuh cu Jew chang vai gui naw, gen lawk ci gui.

JOHAN 7:23

Akhmaw tumat kyin hnüüp ung vun-aat ne kyon ah hmawk ah Moses ah thukhän kaan ah kä ah kyak ung; a i ah kyasei kyin hnüüp ung akgaw ka gai sak ah hmawk ah nami m’lungshe ang?

LUKA 23:56

ng’cim hmun la a gook m’shän ne ami k’phuh cu ang hteing ah hmu tuk ci gui. Kyin nak hnüüp ung thukhän läk u ne, a i kä bi ah adüm ah om ci gui.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

ISAIAH 58:13

Bawipa naw pyen ci, “Nangmi naw kyiiin na hnüüp cu theingthap sak ne, a cu hnüüp nami mät ah Ng’zak hlü ah kä om ne; kei ah theingcim ciah hnüüp cu m’kümto u ne, m’tamkhah u ne; kä hteit hton ne, kä ng’bilo ne, kä ng’thu she ne nami kyak ung;

MATTHE 12:10

Pum im kyong ah a kut vangtäng shum ciah chang tumat om ci. Bawipa Jesuh naw katnak abi vai cu däät ne m’kat hlük ciah chang gui naw, “Kyin hnüüp ung gaw nak gai sak hning vai ang?” cine ng’shik ci gui.

JOHAN 1:19

Jerusalem kho ah Judah ng’vai gui naw, taigü gui la Levit gui cu Johan ah tüi law u netah, “Nang cu a u ang?” ciah ng’shi sak gui ci gui.

JOHAN 5:11

Gai ba ciah chang naw, “Na gai sak ba ci naw, na yih phah la ne, ng’düi law ne hteit ä, cik ci nei” ci khätah;

JOHAN 5:15

Ani cu hteit ba netah, Jew chang ng’vai gui ah ma ah, “Na gai ba sak cicu Jesuh nei” cine m’thein ba gui ci.