JOHAN 4:53 - Cho Bible Common Language 2016

⁵³ Bawipa Jesuh naw, “Na hta ghing ba khai nei” a ci nak cu a cun ah akhin ah kyak ciah apa naw shüm ba netah, ani la akyong ungka ami van naw Bawipa Jesuh cu yum ci gui.

JOHAN 4:53 Referans Kwoze

LUKA 19:9

Bawipa Jesuh naw, “shin ah chang cun phi Abraham ah hta ng’shon ah kyasei, hun nak cu a tuhngawi shin ah im khan ah gawk law pyi ci nei.

SAM 107:20

Ani naw a thukän awn gai sak gui ne, ng’cim hmun ungka hun gui ci.

LAMKTU 18:8

Pum im uk ciah Krispus ming nak ciah chang la ak kyong ung kaa gui cu Khanpughi yum tuk ci gui. A hei Korin chang akda gui cun phi Thu Ni ng’ya tu ne yum tu u ne, tui hnim ci gui.

LAMKTU 16:34

Ani naw Paul la Silas cu a im ah khü goi ne, khin nah ne tu m’bei goi ci. Amät la akyong ungka gui ami van cu Khanpughi ami yum tu ah phäh ah ang htei ah yeikyai ci gui.

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

MATTHE 8:13

Cun kawn ah Bawipa Jesuh naw, gabawi-am, “Na im ah hteit ba ä, na yum ah mäih ah kyak khai nei,” cine pyen nak ci. Acun yah ung gabawi ah chang cu gai ba pyii ci.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

JOHAN 4:52

Ani naw a hta a i ah khin ung tüi ne agai law ba ah ng’shi gui sei, ngami naw, “yanta hnüüp keeing nayi khat yah ung gai law ba ci” cik ci gui.

JOHAN 4:51

Bawipa Jesuh ah ng’thu cu yum ne hteit ba khätah lam ah akchang shäm ana law ne, “na hta gai ba pyi ci nei” cik ci.