JOHAN 4:46 - Cho Bible Common Language 2016

⁴⁶ Cun kawn ah Bawipa Jesuh cu tui, sapyit tui ah a pyan nak, Kalile kho kana pigawnu ah gawk law ba ci. Cun ung asoyah yung bawi tumat om tuk ci. Ani ah hta cu Kapernaum gawnu ah gaw ne om ci.

JOHAN 4:46 Referans Kwoze

LUKA 8:42

A kho kum gha-lei-goi lüng ciah tumat hta ah a hta hnumi cu si ghep ghep ne gaw khätah cun ah a khü ah kyak ci. Bawipa Jesuh cu ani awn a täng ah hteit tu khätah chang akda naw net ne hteit ci gui.

LUKA 7:2

A cu ah Roman gabawi ung beit ng’yak ciah akchangshäm om ci. Ani cu si ghep ghep ne gaw ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

MATTHE 9:18

Bawipa Jesuh naw cun ah ng’thu a pyein yah ung, Jew chang yungbawi tumat cu Bawipa Jesuh ah pei ah law ne m’khuukdoong netah, “Ka hta hnumi cu tuhbäi hta sik ci nei, cun ung phi nang Bawipa law ne ak khan ah na kut na taih ah a kyak ung, ani cu ghing ba khai nei,” cine ng’hui ng’paa ne pyein ci.

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

JOHAN 21:2

Ang dang ba ah mawng cu: Simon Peter, Thomas (ang phi ah ming ci), Nathanaelah (Kalile kho Kana ah kaa), Zebedee ah hta goi la a hei ang düihpüi hnih goi ni gui cu a täng ah om ci gui.

SAM 78:34

Ani naw a ngawn gui ung k’pawih ba ci gui cu ani ah law ba ci gui; ngami cu ng’yu ba u ne, ani ah ma ah akni ah taigü ci gui.

JOSHUA 19:28

Ebron, Rehob, Hammon la Kanah, Sidon güt ung gawk ci.

MATTHE 4:13

Ani cu Nazaret kho ung kä om ne, Zebulun la Nahtali kho ah ng’lak Kalile tuili pei, Kapernaum gawnu ah hteit ne om ci.

LUKA 4:23

Bawipa Jesuh naw, “Nangmi naw, ‘Nang seibawi, na mät ah nat nak, na mät naw na gai vai ah m’htei ä’ ciah khuishui ah mäih ah nami na ng’thu püi khai, Kapernaum ah na bi ah mäih ah, na mät ah pigaw ung phi na bi vai, cine nami kyak khai;

JOHAN 2:12

Cun kawn ah Bawipa Jesuh cu, anu ni, anau gui ni, angdüihpüi ni awn, a täng ah Kapernaum gawnu ah hteit ne, hnüüp goi thum om tuk ci gui.