JOHAN 4:36 - Cho Bible Common Language 2016

³⁶ geit khäm ci cu, ng’cheng gah ne, angtäi ghin nak ah geit cu khäm ba ci, cun ah kyasei, geit ci la khäm ci cu angtäi ah yei kiai khai goi nei.”

JOHAN 4:36 Referans Kwoze

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.

ROMAN 6:22

Cun ung phi nang mi cu tuk bäi katnak ungka phyawng ne, Khanpughi ah khlei-htein ah nami kya pyi ci. Nang mi ah gah ah bämang nak cu, Bawipa am nami ghin nak ak be ah ap ne, ak hnu ah ang täi ghin nak nami gah ah kyak ci.

DANIEL 12:3

Cüivai ciah ang vaihta gui cu khankho mik ah akhang avan ah mäih ah ng’shü khai gui. Düng nak bi vai ah chang akda m’theithang ci gui cu, aisi ah mäih ah angtäi sei ng’shü khai gui.

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

1 TIMOTHI 4:16

Geik na ne om ne nam theithang vai nei. Shin ah a mawng gui cu k’tha na ne na bilawh vai nei, cun ung na mät la na thu ngai yak ciah chang gui cu hun nak gah khai gui nei.

1 THESSALONIAN 2:19

Bawipa Jesuh a kyum law ba hnüüp ung, Bawipa ah ma ah nangmi ah mawng näng nak bäng pyein ne keimi kami ng’düng nak vai om ci. Cun kawn ah nangmi cu chang a hei gui ah kä nami ng’neim pi ci, nangmi cu keimi ah ngaih u nak la längtang nak ah nami kyak ci.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

1 KORIN 9:17

Kei naw ka mät ah ng’päiom ah bi ka bik ciah a kyak vai sü ung ng’cheng ka gah khai süte: Cun ung phi shin ah bi cu Khanpughi naw a na ap ah kya sei bülüüng ne ka bi ah kyak ci.

1 KORIN 9:18

Kei naw a i ng’cheng ka gah khai ang? Kei ah gah cu, ng’cheng kä om ciah Thu Ni ng’shäu ne pyein nak la, cun ah pyein ah phäh ah gah ah khin ci gui cu kä k’thäh ah ka om nak hning ah kyak ci.