JOHAN 4:34 - Cho Bible Common Language 2016

³⁴ Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

JOHAN 4:34 Referans Kwoze

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

JOHAN 5:30

“Ka mät ah m’khüt näng nak awn a i kä ka bi hning ci, Khanpughi ah nam cäi ah mäih ah m’khoichaa nak ka bik ci. Ka mät ah ng’yak hlü ah ka bi vai ah kä ka tha nak ci, na tüi lawk ciah ang yak hlü bäng ah bi ka bik ci; cun ah kyasei kei ah m’khoichaa nak cu düng ci.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

JOHAN 17:4

Khomdek khan ung kei naw na bämang nak cu kam dang pyi ci. Ka bi vai ah na na peit ah bi phi ka bi yawp pyi ci.

JOHAN 19:30

Bawipa Jesuh-am tu ci gui. Bawipa Jesuh cu cun ah sapyit tui aw netah, “Bi ng’pyi ci nei” cine ak hngü bat ne kät lawk ci.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

JOHAN 4:32

Bawipa Jesuh naw, “Nangmi ah kä hmat ah ei ka ei pyi ci nei” ci ne pyen na gui ci.

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

MATTHE 3:15

Bawipa Jesuh naw, “Khanpughi ah a pyein ah bi mi bik khai kya sei, acun ah na bi vai” cine kyak na khätah, cun kawn ah Johan naw yum ci.

LUKA 2:49

Jesuh naw, “Nang nu la pa, a i vai na ni na shui ba ang? Kei Kapa ah im ung ka om khai ah kä nani hmat ne ma?” cik ci.

JOHAN 8:29

Kei na tüi lawk cicu kei awn a täng ah om ci; ani ah ng’yak hlü bäng ah angtäi sei ka bik ci kyasei, ani naw kei ka mät bäng kä na nawng ci” cine m’thein gui ci.

JOHAN 19:28

Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

MATTHE 9:19

Cun ah kyasei Bawipa Jesuh cu ng’düi law ne ani awn a täng ah hteit tuk ci. Ang düihpüi gui phi hteit tuk ci gui.