JOHAN 4:26 - Cho Bible Common Language 2016

²⁶ Bawipa Jesuh naw, “Cun ah Messiah Bawipa cu, tuhbäi nang ning thu püi ciah, kei ah kyak ci nei” cine pyen nak ci.

JOHAN 4:26 Referans Kwoze

JOHAN 8:24

Cun ah kyasei nangmi cu, nami katnak awn nami sik khai, “Kei cu kei ah ka kyak ci” ka cicu kä nami yum ah a kyak ung nami kat nak awn nami sik khai” cine pyen na gui ci.

LUKA 13:30

Cun ah kho hnüüp ung tuhbäi hnu ciah chang cu ma khai, tuhbäi ma ciah chang cu hnu khai” cine m’cäi gui ci.

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

MATTHE 16:20

Cun kawn ah Bawipa Jesuh naw amät Messiah ah a kyak ah mawng cu, a u-am kä ami m’thein-en vai ah ang düihpüi gui-am m’yih sak gui ci.

JOHAN 8:28

Cun ah kyasei ani naw, “Chang ah hta cu häi ne nami tai kawn ah vah,’ Kei cu kei ah’ka kyak ah mawng la kei naw ka mät ah ng’yak hlü ah kä kyak ciah, Pa Khanpughi ah nam cäi ah mäih ah ka bilawh cu nami hmat khai.

JOHAN 13:19

Shin ah mawng gui ng’dawt ne ka ning m’thein gui cu, ka pyein gui akcang ah a kyak law hnüüp ung ‘Kei cu Kei’ah ka kyak ah mawng nami yum vai ah hmawk ah kyak ci.