JOHAN 4:20 - Cho Bible Common Language 2016

²⁰ Keimi Samaritan chang gui naw, shin ah m’htung ung Khanpughi kami khawihnah ci, nangmi Jew chang gui naw, Jerusalem ah Khanpughi nami khawihnah ci” cine pyen nak ci.

JOHAN 4:20 Referans Kwoze

THULÄÄN NAK 27:12

“Nangmi naw Jordan tuinu nami kah kawn ah chang gui ah khan hriham ami ng’shäu yah ung shin ah pakhui gui cu Kerizim M’htung khan ah ami ng’düih vai. Simeon, levi, Judah, Isskhar, Joseph, la Benjamin,

THULÄÄN NAK 11:29

Nangmi naw nami khäm law vai ah khaw ung Bawipa naw a ning hteh püi gui ah a kyak ung, nangmi naw nami ng’shäu vai cu, Kerizim M’htung ungka hriham la Ebala m’htung ungka plah taam ah kyak ci.

2 SHONTÄP NAK 7:12

ani ah ma ah Bawipa cu khomü ah ng’dang lawk ci. Ani naw a pyen nak cu, “Kei naw na taigü ka ng’yak ci, khawihnah nak gui kei ah nami na douthak nak ah hmun ah shin ah Taigüim cu kei naw ka dou ci.

LUKA 9:53

Cun ung phi Bawipa Jesuh naw Jerusalem ah a hteh lam ah kya sei, pigaw ah kaa gui naw ana maa nak ci gui.

SAM 132:13

Bawipa naw Zion manggaw cu ghü pyi ci; Ani naw cun cu a im ah pyang hlük ci:

SAM 78:68

A cun ah hnün ung ani naw am hni pi ah Judah pakhui la Zion m’htung cu ghü ci.

2 SHONTÄP NAK 7:16

A i ah kyasei ci ung kei naw shin cu ghü ne khonglän ung kei na khawihnah nak vai ah hmun ah ka ap ah kyak ci. Kei naw shin cu ngäng ne akphlüt ah ka shungvong khai ne.

2 SHONTÄP NAK 6:6

Cun ung phi tuhbäi kei nami na khawihnah nak vai ah hmun ah Jerusalem cu ka ghü ci, ka chang gui uk khai ah nang, David cu ka ning ghü ci.”

1 SHONTÄP NAK 22:1

Cun ah kyasei David naw, “Shin cu Bawipa ah Taigüim cawh nak vai ah hmun ah kyak ci. Shin cu Israel chang gui naw m’khih ne douthak ami douthak nak vai ah sonkiang ah kyak ci” cik ci.

1 SHONTÄP NAK 21:26

Ani naw a cun ung Bawipa sonkiang co neta, m’khih douthak nak la hmuhchum-douthak nak cu bik ci. Ani taigü sei, Bawipa naw khankho ah ka mei yuk chah ne sonkiang ung khawihnah nak cu uih sak ne yuk m’shang lawk ci.

1 GHANGPUGHANG GUI 9:3

Bawipa naw ani cu pyen nak ci, “Kei naw nang ah taigü ka ng’yak ci. Ngawi yä kei na khawihnah nak vai ah nang naw na cawh ah shin ah Taigüim cu kei naw ka k’bäi ci. Kei naw shin cu a khokphlüt ung ngäng ne ka shungvong khai.

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

JOHAN 4:12

Shin cu kami pughi Jakob ah tui shawk ah kyasei a hta ng’shon ung, asei akchang avan naw a awk ah kyak ci nei, ani ah mä nang na ng’vai pi ciah kya ne ma?” cik ci.