JOHAN 4:11 - Cho Bible Common Language 2016

¹¹ Cun ah hnumi naw, “Bawipa, nang ung tui than nak vai phi kä om ci, tui shawk phi thuuk ci, a i chaa ah ghin nak tui gei cu na gah khai ang?

JOHAN 4:11 Referans Kwoze

1 KORIN 2:14

Mumcha kä gah ciah chang naw Khanpughi ah Mumcha ung ka lawk ciah m’gein nak cu kä gah hlawt khai. Mumcha ung phung pawng ci naw vah acun ah a phu cu m’khoicha hlawt ci kyasei, Mumcha kä gah ciah chang naw, Mumcha ah m’gein nak ah mawng cu akcang ah kä hmat ci, ani ah phäh ah cun gui cu akholä ah kyak ci.

JOHAN 3:4

Nikodemus naw, “Ang vai pyi cu a i cha ah ng’tüi ba khai ang? Anu ah puk khui ah lut ba netah, akhnih vei nak ah ng’tüi ba khai ma?” cine ng’shik ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

LAMKTU 10:14

Peter naw, “Bawipa! Cun ah kä kya khai nei, a i yah ung phi kei naw sheka ne kä theingthap cicu kä ka ei man ci nei” ci nepyein ci.

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!