JOHAN 4:10 - Cho Bible Common Language 2016

¹⁰ Bawipa Jesuh naw, “Nang naw Khanpughi ah m’gein nak la, tuhbäi tui ning ng’yoi cicu na hmat vai sü ung, ani ah ghin tui gei cu nang yoi khai sü te, ani naw phi cun ah tui cu ning pek khai süte” cik ci.

JOHAN 4:10 Referans Kwoze

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

THU PHLAAN 7:17

A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.

ISAIAH 44:3

Kei naw tui gha ciah khaw ung tui ka pek khai, khong’gau khaw ung tui lawng ka lon sak khai. Kei naw nami htanau gui ah khan ah ka mümcha ka yuk chah khai, nami hta ng’shon gui ah khan ah ka hriham ka yuk chah khai.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

JEREMIAH 2:13

Cun cu ka chang gui naw katnak hnih ami bi ah phäh ah kyak ci: Ngami naw tui ci lawng ah ka kyak ciah kei cu na ng’hlah tak ci gui, ngami naw tuihlüng co ci gui. Cun cu teek ciah tuihlüng ah kya ne a i tui phi kä ng’tang ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

ZEKHARIAH 14:8

Cun ah hnüüp a gawk law ung tui akci cu Jerusalem ungka long lawk khai, a teih cu Tuisi Tuinu ung yu kyum khai, a teih cu Mediteranean tuinu ung yu kyum khai. Cun ah tuinu cu a kum pum ung a htui a cha ung long khai.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

1 KORIN 10:4

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.

ISAIAH 12:3

Tuigei naw tui gha ci a yei sak ah mäih ah, khanpughi naw a chang gui cu hun gui sei, yeikyai ci gui nei.”

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

ISAIAH 43:20

Ng’kiang ma ah tui long khai ah bi ne ka ghü ah chang gui am tui ka pek law ung; khisa gui naw kei cu na m’tam khai gui, sa ui gui la ngamzawk gui naw phi na m’tam khai gui.

ISAIAH 35:6

Ak shum khem gui ng’phäi ne ng’lam khai gui, kä ng’thu thei ci gui yei ne m’lau khai gui. Tuihta lawng gui naw khaw kiang khaw kan ne long khai gui;

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

PHYAWN NAK 17:6

Sinai m’htung naw lungsheng khan ah ma ah ka ng’düi khai nei, cun ah lung cu na thah ung, tui lut lawk khai, chang gui naw awk khai gui” cik ci. Moses naw Israel ang vai gui ah ma ah a cun ah bik ci.

2 KORIN 9:15

Mikmi naw khei ung kä ng’pyi khai ah am gein nak ah hmawk ah Khanpughi cu mi m’hlüng m’tai khai nei.

LUKA 11:13

Nangmi cu changshe ah kya pang u ne phi nami hta gui-am akni nami peit gui ung, khankho ah om ciah nami Pa Khanpughi naw ng’yoi ciah chang gui-am Mumcha Theing cu akbä ah pek khai nei” cik ci.

ISAIAH 42:6

“Kei, Bawipa, naw ning khü ne huham ka ning pek ci, khomdek khan ung taga ciah bi cu nami hmuh vai ah iak ci. Nang ung chang avan awn thukhän ka bik khai; Nang ung pakhui gui ah phah ah akdei ka law püikhai.

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

JOHAN 16:3

Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

LAMKTU 9:11

Bawipa naw, “Nang cu ng’düi law neh lam ng’düng ming nak ciah lam ung hteit netah, Judas ah im ung Tarsus pigaw ah ka, Soul ming nak ciah chang cu nah vah shui vai. Ani cu k’taigü netah,

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

SOLOMON NG’Ä~ 4:15

Tui ah ni nak ah u-yin, tui hta gui phi long ci, Tuilawng gui phi Lebanon khomhtung gui ungka long lawk ci.

HEBRU 6:4

Lam hma ne ami yum nak ng’phleng pyi ciah chang gui cu a i chaa ah ng’yu ba sak gui thei vai ang? Ngah mi cu Khanpughi ah akdei ung, khankho m’cümhnah nak phi m’nüm tu shüm u ne, Mumcha Theing phi gah man ci gui ah kyak ci.

EZEKIEL 16:35

Tuhbäi, Jerusalem, nang Chang plet!