JOHAN 4:1 - Cho Bible Common Language 2016

¹ Bawipa Jesuh naw Johan ah peit ah da pi khai ah yum ci gui-am tuihnim nak a peit gui cu, pharise gui naw ng’yak ci gui.

JOHAN 4:1 Referans Kwoze

JOHAN 3:26

Cun ah kyasei, ngami cu Johan ah law u netah, “Saya, Jordan tuinu hei gaa ah nang ah law man ci, a mawng phi na pyein man ah chang cu, na shüm ba ne ang? Ani naw tuhbäi tuihnim gui sei, chang akda ani ah lawk ci gui nei” ci ci.

JOHAN 3:22

Cun kawn ah Bawipa Jesuh cu ang düipüi gui awn a täng ah Judea kho pigaw gui yung ah hteit u ne yum ci gui cu tuihnim nak pe ne om ci gui.

2 KORIN 4:5

Keimi naw ka mi mät ah mawng kami pyeinsak ah kä kyak ci; Jesuh Khrih cu Bawi ah a kyak ah mawng la keimi cu Bawi Jesuh ah hmawk ah nangmi ah changshäm ah kami kyak ah mawng kami pyein ci.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

1 KORIN 2:8

Khodek khan bawi gui naw cun ah cüivai nak ah mawng cu a u naw kä hmat ci. Ngahmi naw ami hmat vai sü ung bämang ciah Bawipa cu kutlam tung ung kä ngawn khai sü gui te.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

JAMES 2:1

Phäi nau gui aw, nangmi cu Bämang ciah Bawipa Jesuh Khrit cu nami yum ciah kyasei, chang ah yodäm pyam mang teng ne kä nami om ih vai nei.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

LUKA 19:34

Ngami naw, “Shin ah ng’se cu kami Bawipa naw ng’ya hlük ci nei” ci ne pyein ci gui.

LUKA 19:31

Chang naw a i vai ng’se nami k’phian ang cine, ami ning shi gui ung, “Shin ah ng’se cu kami Bawipa naw ng’ya hlük ci nei ci ne nami pyein vai,” cine m’cäi gui ci.

LUKA 1:76

“Nang, kei ah chang hmaw, a hlüngtai säih Khanpughi ah profet ah ning khü vai nei. Nang cu Bawipa ah ma ung law ne, ani ah hmawk ah lam na pyang khai.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

LUKA 7:19

Bawipa Jesuh ah tüi netah, “Nang cu kyum lawk khai cine kami gin ah Bawipa ah na kyak ci ang? Kä cun ung a hei kami ging ba khai ang?” cine ng’shi sak goi ci.

1 KORIN 1:17

Bawi Khrit naw tuihniim nak ka pek khai ah ana tüih ah kä kyak ci. Thu Ni ka pyein khai ah ana tüih ah kyak ci. Cun ah kya sei hnicim chang ah hmuhmat nak ah thu kä pyein ne, kutlam tung ung Bawi Khrih ah sih nak ah hlüngtai nak kä a häu vai ah cun ah Thu Ni bäng pyein vai ah kyak ci.