JOHAN 3:8 - Cho Bible Common Language 2016

⁸ Khokhi cu akhi nak hlü lam ah khi ci, kho akhi hmat ung phi a hawi täng ah tün ne, a hawi täng ah khi khai ah kä hmat hlawt ah mäih ah Mumcha Theing awn ng’tüi cicu kyak ci,” ci ne m’thein ci.

JOHAN 3:8 Referans Kwoze

1 KORIN 2:11

Chang tumat ah a mawng avan cu ani ah kyong ung om ciah ang mümcha naw vah hmat yawp ci; acun ah mäih ah Khanpughi ah mawngma avan cu Khanpughi ah Mumcha naw vah hmat yawp ci.

LAMKTU 2:2

A cun yah ung khankho ah ka, khaw khi nu ah mäih ah ng’hmum ciah k’aw cu ami om nak ah kyawng khui ah gawk law ne be ci.

EZEKIEL 37:9

Khanpughi naw na pyen nak ci, “Hnicim chang, khokhi ah khan ah cängbang ä. Khokhi am m’thein ä, uktu Bawipa naw thumkhän ci, akit päng ung khokhi ne, shin ah aksi pumsa gui cu ng’ghi sak ne, ghin sak gui ä.”

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

LAMKTU 4:31

Ami taigü yawp vai am cun ah ami taigu nak ah hmun cu ng’tum ne thüng ci. Ngah mi cu ami van Mumcha Theing awn be u ne tah, Khanpughi ah ng’thu cu thamah nak awn pyein sak ci gui.

1 KORIN 12:11

Cun ung phi cun gui avan pek cicu Mumchabawi tumat bäng ah kyak ci: Mumchabawi naw, a mät ah ng’yak hlü ah, chang tumat ci am, m’cümhnah nak a hnga hnga cu yuk m’kyum law gui ci.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

SAM 107:29

Ani naw puikho khi cu ng’düm sak sei, tui ng’hnawk gui phi dim ci.

SAM 107:25

Ani naw m’tho sei pui kho khi ne, tuinu ng’hnawk ci.

SAM 135:7

Ani naw khomdek ah kem ah ka khomei gui ci kai law sak ci; kho phi lailäp ne ng’hmum kyeek sak ci, a im khei ungka khokhi phi luh law sak ci.

THUSHÄUTU 1:6

Khokhi cu a htumtäng ah khi ne, a siiptäng ah khi ne ng’veing ne, ng’veing ne khi ne, a cun ung gawk ba ci.

JOHAN 3:7

Akthai ah nami ng’tüi ba vai ka ciah phäh ah kä cäicat vä.

JOHAN 3:9

Nikodemus naw, “Cun cu a i ah kyak khai” cine ng’shi ba mä khätah;