JOHAN 3:6 - Cho Bible Common Language 2016

⁶ Chang ah sisa ung ng’tüi cicu chang ah kya ba ci, Mumcha theing ung ng’tüi cicu Mumcha Theing ah kya ba ci.

JOHAN 3:6 Referans Kwoze

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

1 JOHAN 3:9

Khanpughi ah htanau ah kyak ci cun naw cheishoh nak kä bi ba ci, ani ung Khanpughi ah ng’yung om pyi ci. A i ah kyasei ci ung Khanpughi cu Apa ah kyasei, ani naw cheishoh nak kä bi ba hlawt ci.

1 KORIN 6:17

Cun ung phi Bawipa ung ng’dou pyi ciah chang cu mümcha awn ani ung pumsa tumat ah kya lawk ci.

ROMAN 7:18

Hnicim chang ah ka kyak ciah kei ung akni kä om ciah kei naw ka hmat ci. A i ah kya sei ci ung kei naw akni ka bi hlü ung phi, akni cu kä ka bi hlawt ci.

ATÜNNAK 6:12

Khanpughi naw m’dek khan cu teng neta, akshe ah kyasei hmuk ci. Khomdek khan ung chang gui cu cheishoh yawp ci gui.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

JOB 25:4

Khanpughi täng ah ka naw teng ung ng’düng ciah chang ng’ciim ciah chang a u om khai aw?

JOB 14:4

Kä theingthap cicu angtäi sei kä theingthap ciah chang ungka lawk ci nei.

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

KOLOSE 2:11

Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

ROMAN 7:5

Mikmi cu khomdek pumsa ah ng’yak hlü ah ghing ne mi om yah ung thukhän awn lawk ciah shetkat nak hlü ah m’lung naw mi pumsa kyong ah bi bi ne, mikmi cu na sih sak gui ci.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

ATÜNNAK 5:3

Adam cu a khawkum 130 a law sangung amät ah mäih lawk ciah pami ah hta ne, aming cu Seth ah sui ci.

ROMAN 7:25

Mi Bawipa Jesuh Khrit awn na hun gui ciah Khanpughi ah m’gein nak cu hlüngtai aih ci nei. Ak hnu ah ka mät ah mawng ka pyein hlü cu, Ka m’lung kyong awn Khanpughi ah khuut ka bi sang ung, ka hnicim chang nak naw katnak ah bi cu ka bik ci nei.

JOHAN 3:7

Akthai ah nami ng’tüi ba vai ka ciah phäh ah kä cäicat vä.