JOHAN 3:31 - Cho Bible Common Language 2016

³¹ Khankho ah kaa kyum lawk ci cu, van nüng ah hlüngtai pi ci. Khomdek ungka lawk cicu khomdek chang ah kya ne, m’dek khan ah mawng cu pyein ci. Cun ung phi khankho ah kaa lawk cicu apäng avan ah hlüngtai pi ci.

JOHAN 3:31 Referans Kwoze

JOHAN 8:23

Bawipa Jesuh naw, “Nangmi cu shin ah m’dek nami kho nak ci, kei cu khan ah kaa ka lawk ci. Nangmi cu shin ah khomdek chang ah nami kyak ci, kei cu shin ah khomdek chang ah kä ka kyak ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

1 JOHAN 4:5

Hleeihlak ciah profet gui cu khomdek khan ah mawnglam bäng pyeinsak ci gui, khomdek chang gui naw phi ngai ng’yak hlük ci gui, a i ah kyasei ci ung ngami cu khomdek khan ma nak ciah chang ah kyak ci gui.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

1 PETER 3:22

Ani cu Khan mawpi ah hteit ba ne, Khanpughi ah k’patlam ah om ne, khanchang gui la khankho ah huham la hlüngtai nak gui cu avan uk ne om ci.

JOHAN 1:27

Cun ung phi kei cu ani ah phahnat gui k’phian khai ah phi kä ka khin ci” cik ci.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

HEBRU 9:1

Ak htük ah thukhän ung khawihnah nak ah thumyo la chang ah pyan ah khawihnah nak ah hmun hlü ci.

JOHAN 1:30

Kei ah hnu ah lawk ci cu, kei kä kang tüi pha ung ng’tüi ne kei ah hlüngtai pi ci nei, cine ka pyein man cu ani ah kyak ci nei.

JOHAN 1:15

Johan naw ani ah mawng ng’shä ne a pyein cu, “Kei naw ka pyein man ah chang cu ani nei, ani cu kei ah hnu ah lawk ci, cun ung phi kei ah hlüngtai pi ci, a i ah kyasei ci ung ani cu kei kä ka ng’tüi pha ung ng’tüi pyi ci.

JOHAN 3:30

Ani cu hlüngtai law pi khai, kei cu kang neim law pi khai nei,” cik ci.