JOHAN 3:3 - Cho Bible Common Language 2016

³ Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

JOHAN 3:3 Referans Kwoze

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

1 JOHAN 3:9

Khanpughi ah htanau ah kyak ci cun naw cheishoh nak kä bi ba ci, ani ung Khanpughi ah ng’yung om pyi ci. A i ah kyasei ci ung Khanpughi cu Apa ah kyasei, ani naw cheishoh nak kä bi ba hlawt ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

TITUS 3:5

mikmi cu hun nak mi gah ci. Cun cu mikmi naw mi bi ah nikiom nak awn nah kä kyak ci, ak thai ah ng’tüi nak la tui hnim nak awn ghin nak thai nak pe gui ciah Mumcha Theing ung amät ah chihna nak awn ana hun gui ah kyak ci.

JOHAN 1:13

Cun ah hta gui cu amät ng’tüi lawk ci la chang pa nah ne ng’tüi lawk ci gui ah kä kya ci. Khanpughi ung ng’tüi lawk ci gui ah kyak ci.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

KALATIAN 6:15

Chang tumat vun ah vai la kä ah vai cu ak tung ah kä kyak ci, ak thai ah ang tüi vai cu ak tung ah kyak ci.

1 JOHAN 5:18

Khanpughi ah htacun naw cheishoh nak kä bi ba ciah mi hmat ci, ani cu Khanpughi ah Htapa naw ngaih gep vai ah a shungvawng pyi ah kyasei, khoshe naw api ah phi kä tawklaih hlawt ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

JOHAN 12:40

“Khanpughi naw ami mik m’dauh sak gui ne ami m’lung khai pe gui ci nei, Cun ah kyasei, ami mik naw a i kä hmuk ci, ami m’lung naw a i kä hmat ci nei, Kei naw ka gai sak gui vai ah Kei ah om nak ah a u phi kä law ba ci nei, cine Khanpughi naw pyein ci” ciah guk ci.

EPHESIAN 2:1

Yanä nang mi cu ngaih she nak la shetkat nak ung mümcha aksi ah nami kyak ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

JOHAN 1:5

Akdei cu akhmüp ung khang sei, akhmüp naw kä dou hlük ci.

THULÄÄN NAK 29:4

Cun ung phi avan nami bui awt gui cu tuhngawi güt ani naw nangmi am kä ning hmuh sak gui ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

JOHAN 1:51

Bawipa Jesuh naw, “Kei naw akcang ka pyein cu, Khankho m’kawt hmawng law khätah chang ah Htapa ah khan ah khankho chang gui kyum kai u sei nami hmu lawk khai nei” ci na gui ci.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

EZEKIEL 36:26

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

MATTHE 19:24

Kei naw ka pyein ba mä cu bühmang ciah chang Khanpughi ah uk nak kho ah a gawk vai ah tah, ng’pyüm mik ung kalauk a luh vai cu yäi tu ba khai,” cine pyen na gui ci.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MAKUH 9:47

Na mik-ui naw na yum nak adi maih sak ung, cun ah mik cu kawih ne na ghawh vai, geinvai vai ah m’kyiit naw shawk ne a ei nak la angtäi sei däi ciah m’thei-mei ung namik-ui küm sei na gawk ah k’dam, na mik vangtäng m’dauh sei Khanpughi ah uknak kho ung na gawk cu bä pi khai.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

JOHAN 3:4

Nikodemus naw, “Ang vai pyi cu a i cha ah ng’tüi ba khai ang? Anu ah puk khui ah lut ba netah, akhnih vei nak ah ng’tüi ba khai ma?” cine ng’shik ci.

1 JOHAN 5:4

A i ah kyasei ci ung Khanpughi ah hta phung cun naw khomdek khan cu m’khüt näng ci. M’dek khan ung m’khüt näng nak mi gah cu mi yum nak awn ah kyak ci.