JOHAN 3:29 - Cho Bible Common Language 2016

²⁹ Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

JOHAN 3:29 Referans Kwoze

HOSEA 2:19

Israel, nang cu ka chu ah ka ning pyang khai; Cun cu düng khai, bekhüt khai; kei naw ng’täi ciah m’hni nak la chimgein nak ka ning m’dang khai. Ngawi yä ka chang ah ka ning pyang khai.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

EZEKIEL 16:8

“Kei naw ka ning sun law bam ä ung, nang cu yumhni vai ah akhin ah na gawk law cu ka ning hmuk ci. Kei naw ka suinu awn na pumsa cu ning shung neta ka ning m’hni vai ah shaitak ba bik ci. Cun kawn ah nang awn ng’pui khah vai ah thukhän cu ka bik ci, cun ah kyasei nang cu kei ah chu ah na kya lawk ci.” Shin cu Uktu Bawipa naw a pyen ah kyak ci.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

THU PHLAAN 21:9

Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.

PHILIPPIAN 2:2

Cun ah kya sei a täng ah nami ngaih-tüh nak, nami yum hni nak la nami m’lung ngaih a kawng ät nak awn, kei cu kümbe khai ah nami na yeikyai sak vai ah ka pyein hlük ci.

JOHAN 16:24

Tuhbäi ung khüt khai ah nangmi naw kei ah ming awn a i phi kä nami ng’yoi phak ci. Nami yeikyai nak a khüm be nak vai ah ng’yoi vä, nami gah khai nei.

1 JOHAN 1:4

Keimi naw yeikyai nak kümbe sei kami gah nak vai ah shin ah ca kami guk law nei.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

LUKA 15:6

A im ah a gawk law ba ung a teihpüi gui la, a im pei ah kaa gui cu khü gui ne, “maih ciah htome ka hmu ba ci nei, kei awn atäng ah yeikyai tu vä” cik khai nei.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

MATTHE 25:1

“Cun ah akhin ung Khanpughi ah uknak kho cu shin ah mäih ah kyak khai. Hnü ät ung lamihta singhga cu chumah khai ah pamihta dou khai gui ah mei im kawt sek sek ne hteit ci gui.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

ISAIAH 66:11

Anu ah k’coi ung om ciah a hmaw ah mäih ah nangmi cu ani ah bühmang nak ung nami yeikyai khai nei.

SOLOMON NG’Ä~ 3:11

Zion hnumi gui, law ne ghangpughang Solomon cu teng law vä. Ani naw anu naw alu ung akbün ah lukhu cu ng’büng ci nei, cun cu a chumah hnüüp ung kyak ci, a yeikyai hüithaw nak ah hnüüp ung ah kyak ci.

2 JOHAN 1:12

Kei naw ka pyein vai akda om pang sei phi, ca awn kä ka gu ba hlük ci nei. Mi van kümbe sei mi yeikyai nak vai ah, nami om nak ah ka mät law ngä sei, ng’hmuh ne mi ng’thu vai ka yum ci nei.

JOHAN 17:13

Tuhbäi kei cu nang ah ka lawk khai nei. Ngami kei ah yeikyai ah mäih ah ami yeikyai nak a be vai ah, m’dek khan ah ka om yah ung shin ah ng’thu ka pyein ah kyak ci.

MATTHE 22:2

“Khanpughi ah uknak kho cu shin ah mäih ah kya ci. Hngü ät ung ghangpughang tumat cu, a hta ah chu la ne m’um khai ah pawng hteim ci.

JOHAN 3:30

Ani cu hlüngtai law pi khai, kei cu kang neim law pi khai nei,” cik ci.

JOHAN 15:11

Shin ah ng’thu ka pyein cu, kei ah yeikyai nak nangmi ung gawk sei, nangmi ah yeikyai nak a khüm be vai ah hmawk ah kyak ci.