JOHAN 3:26 - Cho Bible Common Language 2016

²⁶ Cun ah kyasei, ngami cu Johan ah law u netah, “Saya, Jordan tuinu hei gaa ah nang ah law man ci, a mawng phi na pyein man ah chang cu, na shüm ba ne ang? Ani naw tuhbäi tuihnim gui sei, chang akda ani ah lawk ci gui nei” ci ci.

JOHAN 3:26 Referans Kwoze

JOHAN 1:7

Chang gui naw akdei ami yum hmat tu vai ah, akdei ah mawng pyein khai lawk ci.

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

JOHAN 11:48

Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.

JOHAN 1:15

Johan naw ani ah mawng ng’shä ne a pyein cu, “Kei naw ka pyein man ah chang cu ani nei, ani cu kei ah hnu ah lawk ci, cun ung phi kei ah hlüngtai pi ci, a i ah kyasei ci ung ani cu kei kä ka ng’tüi pha ung ng’tüi pyi ci.

ISAIAH 45:23

Kei ah ka shaitak cu akcang ah kyak ci, cun cu kä thawng hlai phung khai nei. Chang avan ung aktung ah shai ka tak ci nei: Chang päing law ne, kei ah ma ah m’khuk dong ne, kei ah ma ah bekhüt khai pyen ne shai tak khai gui nei.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 1:9

Akcang ah akdei cu khomdek khan ah gawk law ne chang van ah khan ah khang ci.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

JOHAN 4:1

Bawipa Jesuh naw Johan ah peit ah da pi khai ah yum ci gui-am tuihnim nak a peit gui cu, pharise gui naw ng’yak ci gui.

JOHAN 4:2

(Akcang ah Bawipa Jesuh amät naw tuihnim nak kä pek ci, ang düihpüi gui bäng naw pek ci gui.)

JOHAN 4:31

Acun yah ung angdüihpüi gui naw, “Sayapa, ei ei toä” cik ci gui.

JOHAN 5:33

Nangmi naw Johan-am ng’shä nami tüih ci, ani cu düng nak awn saksi ci.