JOHAN 3:21 - Cho Bible Common Language 2016

²¹ Cun ung phi ng’düng nak awn om ciah chang cu, Khanpughi ah ng’yak hlü ah a om ah mawng ang dang vai ah akdei ah law hlük ci.

JOHAN 3:21 Referans Kwoze

1 JOHAN 1:6

Bawipa awn kami pui m’ca ci nei, ci netah hmüp khui ung mi om ah a kyak ung, mi om ih la mi thu m’gawng van awn mi hleeihlak ciah kiak khai.

3 JOHAN 1:11

Ka püi gui aw, akshe cu kä nami thei tu vai, akni cu nami thei tu vai nei. Akni bilo ciah chang ung Khanpughi om ci, akshe bilo ciah chang naw Khanpughi kä hmuk ci.

EPHESIAN 5:9

Akdei naw nikiom nak a hlühlü, kümbe htingling nak la düngdau nak gui cu dang sak ci.

SAM 119:105

Na thu cu na shü ciah mei im ah kya ne, ka lam ung akdei ah kyak ci.

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

KALATIAN 6:8

M’dek chang ah ng’yak hlü ah m’dek ung geit ci naw, sih nak ah a vuipai cu khäm ba khai; Mumcha ah ng’yak hlü ah ng’lei ung geit ci naw, angtäi ghin nak ah a vuipai cu khäm ba khai.

SAM 119:80

Na thumkhän küm khai ah ka läk nak vai ah thu ng’a ne di nak ung na pyang m’tham ä.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

ISAIAH 26:12

Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

THU PHLAAN 3:15

Nang ah bilawh cu kei naw ka hmat ci, kei naw nang cu kä na ng’liing kä na khiing ciah ka ning hmat ci. Nang cu na ng’liing baw vai, na khiing baw vai, ah kei naw ka ng’ya hlük ci.

ISAIAH 8:20

Nangmi naw nami shan gui rai cu, “Bawipa naw a ning m’theithang gui cu nami ngaih vai nei! K’ce gui cu kä nami ngaih gui vai-ngami ah ning m’thein gui naw käakni ah ning kyak sak gui khai.”

JOHAN 3:20

Akshe ah om ciah chang phung naw, akshe abi ang dang vai kyi ne, akdei cu kä ng’ya hlük ci.

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.