JOHAN 3:2 - Cho Bible Common Language 2016

² “Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 3:2 Referans Kwoze

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

JOHAN 12:37

Ami hmuh vai ah cäi aih vai gui m’dang sei phi ngami naw kä yum ci gui.

JOHAN 1:38

Bawipa Jesuh naw ani läk law hmu goi netah, “A i na ni shui ci ang?” cine ng’shi goi ci. Ngani naw, “Rabbi, a hawi na om ci ang?” cine ng’shik ci goi.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 20:16

Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)

JOHAN 15:24

Kei naw ngami ah ma ah a u ah kä bi man gui kä ka bi vai sü ung, ngami ah katnak kä dang khai süte. Tuhbäi ngami naw kei ah bi gui cu hmu u netah, kei la Kapa cu na gen goi ci gui.

JOHAN 3:26

Cun ah kyasei, ngami cu Johan ah law u netah, “Saya, Jordan tuinu hei gaa ah nang ah law man ci, a mawng phi na pyein man ah chang cu, na shüm ba ne ang? Ani naw tuhbäi tuihnim gui sei, chang akda ani ah lawk ci gui nei” ci ci.

MAKUH 12:14

Cun ah chang gui cu Bawipa Jesuh ah law u netah, “Bawipa, nang naw ng’düng nak awn thu na pyein ci, chang ah ngaih kä nam tung ci, chang ah hmai kä na teng ci, Khanpughi ah ang yak hlü ah ng’düng ciah nam theithang nak cu kami hmat ci nei. Cun ah kyasei Roman ghangpughang-am k’phlam peit vai ang, kä peit vai ang, keimi naw mä kami pek khai ang kä kami pek khai ang? cine phawtcam nak awn ng’shik ci gui.

SUKI GUI 6:27

Kideon naw akchangshäm sing gha khü gui neta, Bawipa a pyennak ah mäih ah bik ci. Ani naw a kyongchang gui la gawnu ung om ciah chang gui cu kyih gui aih neta, shin cu hnüüp ung kä bi ah, mü ung bik ci.

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

PHILIPPIAN 1:14

Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

1 GHANGPUGHANG GUI 17:24

Ani naw m’shang ne, “Tuhbäi kei naw ka hmat ci, nang cu Khanpughi ah chang ah na kyak ci, Bawipa naw akcang ah nang ung ng’thu pyen ci nei!” cik ci.

JEREMIAH 38:16

Cun ah kyasei ghang pug hang Zedekiah naw adüm ah shai tak ha pek ci, “Kei cu ghing ciah khanpughi ah kyak ci, kei naw sih nak kä ka ning pek khai, käcung nang ning ngawn hlük ciah chang gui am kä ka ning ap khai.”

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

JOHAN 2:11

Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 4:31

Acun yah ung angdüihpüi gui naw, “Sayapa, ei ei toä” cik ci gui.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

JOHAN 10:38

Cun ung vah Kapa cu kei ung om sei, kei cu Kapa ung ka om cu, na mi hmuhmat lawk khai” cik ci.

JOHAN 14:10

Kei kapa ung ka om ci, Kapa kei ung om ci ‘Ka cicu kä na yum ci ma? Nangmi ah ma ah kei ah pyein gui cu ka mät ah ng’thu ah kä kyak ci, kei ah bi gui cu kei ung om ciah Kapa ah bi gui ah kyak ci.