JOHAN 3:18 - Cho Bible Common Language 2016

¹⁸ Khanpughi ah Htapa yum ciah chang cu a hma m’kat nak kä om ci, kä yum ciah chang cu, Khanpughi ah Htapa kä ah yum ah hmawk ah, tuhbäi ge hma m’kat nak gah ci.

JOHAN 3:18 Referans Kwoze

1 JOHAN 5:10

Khanpughi ah Htapa yum ciah chang phung naw shin ah saksi cu am lung kyong ung shum ci. Cun ung phi Khanpughi kä yum ci läi cu, Khanpughi naw A Htapa ah mawng a pyeinsak cu kä yum ci kya ne, Khanpughi hleeihlak ciah mäih ah ng’lat sak ciah chang ah kiak ci.

MAKUH 16:16

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

1 JOHAN 5:12

Antapa gah ciah chang cu ghin nak gah ci; Khanpughi ah Ahtapa kä gah ciah chang cu, ghin nak kä gah ci.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

1 JOHAN 4:9

Ahtapa awn ghin nak mi gah vai ah Khanpughi naw tumat bäng ah Ahtapa cu khomdek khan ah yuk m’kyum lawk ci, Acun ung Khanpughi naw anam hni nak gui cu dang ci.

ROMAN 8:34

Cun ah kya sei ngami cu a u naw kä m’kat gui hlawt ci. Sih nak bäng ah kä kyak ciah sih nak ungka tho ba ciah Jesuh Khrit naw Khanpughi ah ak pat lam ah ngoh netah, mikmi ah hmawk ah ng’hui ng’paa ne om ci.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 6:47

Kei naw akcang ka pyein cu, “Kei na yum ciah chang cu angtäi ghin nak gah ci.

JOHAN 6:40

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

JOHAN 1:12

Ani dou ne yum ciah chang gui-am Khanpughi ah hta ah kyak nak pe gui ci.

JOHAN 3:16

Khanpughi naw khomdek chang gui m’hni aih netah tumat bäng ah A htapa cu yuk m’kyum lawk ci, Ani yum ciah chang phung cu sihnak ung kä gawk ne angtäi ghin nak gah ci.

HEBRU 3:19

Ngahmi cu cun ah kholei ung kä lut tu hlawt khai gui ah mi hmu gui pyi ci, a i ah kyasei ci ung ngami cu kä yum tuk ci gui ah kiak ci.

1 JOHAN 3:23

Ani ah thukhän cu, A Htapa Bawi Jesuh Khrit cu mi yum vai, Bawi Khrit ah thukhän ah mäih ah tumat la tumat mi ng’hni tu vai ah kyak ci.