JOHAN 3:17 - Cho Bible Common Language 2016

¹⁷ Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

JOHAN 3:17 Referans Kwoze

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

JOHAN 6:57

Ghing ciah Kapa naw ana tüih law ah kya ne, kei cun phi Kapa awn ka ghing ci. Acun ah mäih ah kei na ei ciah chang cu, kei awn ghing khai.

JOHAN 6:40

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

JOHAN 6:29

Bawipa Jesuh naw, “Khanpughi ah ang yak hlü cu amät naw a tüih law ah akchang cu nami yum vai ah kyak ci nei” cine kyak na gui ci.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

JOHAN 11:42

Kapa nang naw kak taigü na na ngaih peit cu ka hmat ci, cun ung phi nang naw kei na na tüih law cu, chang gui naw ami hmat vai ah, ngami ah hmawk ah ka pyein ah kyak ci nei” cik ci.

JOHAN 7:29

Cun ung phi kei cu ani naw na tüi law sei, ani ungka ka lawk ciah kya ne, kei naw ani cu ka hmat ci,” cine m’lau ne pyein ci.

JOHAN 5:45

Cun ung phi kei naw Khanpughi ah ma ah cheishoh nak ka ning pe gui khai ah kä nami ngaih vai. Nami cheishoh nak ning m’dang pe gui khai cu nami ngaih u ah Moses ah kyak ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 10:36

Khanpughi naw kei cu na ghü ne khomdek khan ah na tüi lawk ci. Cun ah kyasei, ‘Kei cu Khanpughi ah na Htapa ah ka kyak ci’ ka ci ah phäh ah Khanpughi m’kat ne thu ka pyein ah, a i chaa ah nami pyein hning khai ang?

JOHAN 5:36

Cun ung phi Johan ah saksi ah däm pi ciah saksi nak kei ung om ci. Kapa naw na ap sei tuhbäi ka bilawh nak gui awn, kei cu Kapa naw ana tüih law ah mawng saksi cu dang ci nei.

JOHAN 17:21

O Kapa! Nang cu kei awn kawng ät ci sei, kei phi nang awn ka kawng ät ah mäih ah, ngami gui cu kawng ät sak gui ä. Kei cu nang naw na na tüih law ah m’dek chang gui naw ami yum vai ah, ngami gui cu kawng ät sak gui ä.

JOHAN 5:38

Ani ah tüih law kä nami yum ci kya ne, ani ah ng’thu cu nangmi ah m’lung kyong ung kä om ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

LUKA 9:56

Cun kawn ah Bawipa Jesuh la ang düihpüi gui cu a hei pigaw tumat ah hteit ci gui.

JOHAN 3:34

Khanpughi naw a tüih law cu Mumcha awn pleip khai ah akbe ah kia ne, ani cu Khanpughi ah ng’thu bäng pyein ci.

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

JOHAN 8:11

Cun ah hnumi naw, “Bawipa, tumat phi kä om ba ci nei” ci ne pyein ci. Bawipa Jesuh naw, “Kei naw phi na katnak kä ka ning m’khoichaa khai, hteit baä, cun kawn ah katnak kä na bi ba vai” ci ne kiak nak ci.)

JOHAN 17:18

Nang naw kei cu m’dek khan ah na na tüih law ah mäih ah, kei naw ngami cu ka tüi gui ci.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

MATTHE 18:11

(Chang ah Htapa cu maih ciah chang gui hun khai ah lawk ci.)