JOHAN 3:13 - Cho Bible Common Language 2016

¹³ Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 3:13 Referans Kwoze

NG'THU K'THUUK~ 30:4

Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

JOHAN 6:38

A i ah kyasei ci ung, kei cu kamät ah ng’yak hlü ka bik khai ah khankho ah kaa ka kyum lawk ciah kä kyak ci, na tüi lawk ciah ng’yak hlü ka bik khai ah ka kyum lawk ciah kyak ci.

LAMKTU 2:34

David cu Bawipa Jesuh ah mäih ah Khankho ah kai ciah kä kyak ci; Cun ung phi ani naw: “Bawipa naw ka Bawipa am,

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

ROMAN 10:6

Cun ung phi cacim theing naw, yum nak awn Khanpughi ung düng nak ah mawng a pyein cu, “A u-ang khankho ah a hang kai kaw! (Cun cu Bawi Khrit hang khü vai ah kyak ci).

JOHAN 6:62

Chang ah Htapa cu a om nak htük ah kho ah a hang kai vü ba nami hmuh law ung mä, a i ah nami ngai khai ang?

JOHAN 3:31

Khankho ah kaa kyum lawk ci cu, van nüng ah hlüngtai pi ci. Khomdek ungka lawk cicu khomdek chang ah kya ne, m’dek khan ah mawng cu pyein ci. Cun ung phi khankho ah kaa lawk cicu apäng avan ah hlüngtai pi ci.

JOHAN 6:46

Kei naw ka pyein hlü cu, chang naw Khanpughi hmu man ci, ka ci ah kä kyak ci, Khanpughi ungka lawk ciah chang bäng naw, Khanpughi cu hmu man ci.

JOHAN 6:42

“Shin ah chang cu Josef ah hta, Jesuh ah kä kya ne ang? Ani ah anu la apa phi mi hmat yawp ci maw, a i ah kyasei tuhbäi, ‘Kei cu khankho ah kaa ka kyum lawk ci’ a ci ang?” cik ci gui.

THULÄÄN NAK 30:12

Shin naw khomik kä han pha ci, Nangmi naw shikcha ah kä nami ng’shi vai. ‘A u cu hang kai ne keimi ah hmawk ah shin cu kyum law püi ba khai aw? Cun ung kei naw kami ng’ya hning khai, kami läk hning khai.’

JOHAN 17:5

Kapa! Khomdek kä ang tüi pha ung nang awn a täng ah ka gah ah bämang nak cu, tuhbäi kei-am na yuk pe lawä.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

JOHAN 6:51

Kei cu khankho ah kaa kya lawk ciah ghing ciah m’htut ah ka kyak ci. Cun ah m’htut ei ciah chang phung cu, angtäi ah ghing khai. Kei naw ka ning peit gui ah m’htut cu, khomdek chang gui naw ghin nak ami gah nak vai ah, ka sa ah kyak ci,” cine m’thein gui ci.

JOHAN 6:33

Khanpughi ah na peit gui ah m’htut cu, khankho ah kaa kyum law ne, khomdek chang gui-am ghin nak pe gui ciah kyak ci,” ci ne m’thein gui ci.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

MATTHE 8:20

Bawipa Jesuh naw, “Sa-ui cu a khui om ne, kha cu ang bu om ci, cun ung phi chang ah Htapa cu ang düm nak vai a i kä om ci,” ci ne pyen nak ci.

JOHAN 3:12

Khomdek khan ah mawng ka pyein hngaw kä nami yum ung, khankho ah mawng ka pyein cu a i cha ah nami yum khai ang?