JOHAN 3:11 - Cho Bible Common Language 2016

¹¹ Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

JOHAN 3:11 Referans Kwoze

JOHAN 8:38

Kei cu Kapa ah nam cäi ah mäih ah kang thu ci, nangmi cu nami pa ah pyein ah mäih ah nami bik ci,” cine kya ne gui ci.

JOHAN 14:24

Kei kä nam hni ciah chang naw, kei ah m’thei thang phi kä ngai khai. Kei ah ning m’thei thang gui cu ka mät ungka lawk ciah kä kyak ci, kei na tüi lawk ciah Kapa ungka lawk ciah kyak ci.

JOHAN 12:49

A i ah kyasei ci ung, kei naw kamät ah ngaih ah thu ka pyein ciah kä kyak ci, na tüi lawk ciah Kapa ah huham awn ng’thu ka pyein ah kyak ci.

JOHAN 8:14

Bawipa Jesuh naw, “Kei naw ka mät ah mawng ka saksi cu, ngaih gep ci. A i ah kyasei ci ung, a hawi lam ah kaa law ne, a hawi lam ah hteh ba vai cu kei naw ka hmat ci, Nangmi naw a hawi lam ah kaa law ne, a hawi lam ah hteh ba vai cu kä nami hmat ci.

JOHAN 7:16

Bawipa Jesuh naw, “Shin gui cu ka mät ah m’theithang ah kä kyak ci, na tüi lawk ciah Khanpughi ungka lawk ciah kyak ci.

JOHAN 1:18

Khanpughi cu a u naw kä hmu man ci, cun ung phi Khanpughi awn täng ne ani ah coi ung om ciah A Htapa naw Khanpughi cu m’dang pyi ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

ISAIAH 65:2

Ami mätah hteh nak hlü ung hteit ne, m’lung ling ne cheishoh ciah ka chang gui cu, kei naw angtäi sei dou gui ge vai ah ka om ci nei.

JOHAN 1:11

Cun ung phi khomdek naw ani kä yum hmat ci. Ani cu amät ah kho ng’lei ung law sei phi ak chang gui naw kä dou ci gui.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

ISAIAH 53:1

Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

LAMKTU 22:18

Cun ah ka mik hmuh nak ung Bawipa cu dang law netah, “Ang ghit ah kä shou shü ne Jerusalem ungka a hei ah na hteh vai, shin ung om ciah chang gui naw, kei ah mawng na saksi cu kä dou khai gui nei” cine pyein ci.

JOHAN 5:43

Kei cu Kapa ah m’khüt näng nak awn ka lawk ci, cun ung phi nangmi naw kä nami na dou ci. Chang tumat cu amät ah m’khüt näng nak awn a law vai sü ung nami dou khai sü te nei.

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOHAN 3:5

Bawipa Jesuh naw, “Kei naw akcang ka pyein cu, tui la Mumcha Theing awn kä ng’tüi cicu Khanpughi ah uknak kho ah kä lut hlawt khai.

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

JOHAN 3:12

Khomdek khan ah mawng ka pyein hngaw kä nami yum ung, khankho ah mawng ka pyein cu a i cha ah nami yum khai ang?

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.