JOHAN 3:10 - Cho Bible Common Language 2016

¹⁰ Bawipa Jesuh naw, “Nang cu Israel chang gui ah saya ng’vai ah kia lang ne, cun ka cicu kä na hmat ci ma?

JOHAN 3:10 Referans Kwoze

MATTHE 22:29

Bawipa Jesuh naw, “Nangmi cu cacim phi kä nami hmat ci, Khanpughi ah hlüngtai nak phi kä nami hmat ci, cun ah kyasei nami m’lung ngaih cu ng’lat ci.

EZEKIEL 11:19

Kei naw ngami am m’lung akthai, ngaih akthai ka pe gui khai. Kei naw ngami ah lung ah lin ciah ami m’lung liing nak cu la ne ghawh pe gui ne, ng’thu ngaih nak ah m’lung ka pe gui khai.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

ISAIAH 56:10

Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

ISAIAH 9:16

Shin ah chang gui matawn ci gui naw lam hma sak gui ne, apum ah ng’cawn kan sak gui ci.

SAM 73:1

Am lung theing ciah Israel gui ah khan ah Khanpughi cu akcang ah nik ci.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

1 SHONTÄP NAK 29:19

Na thumkhän nü nü m’lung kyong avan awn ng’yak nak hlü la shin ah kei naw ka pawng püi awn Taigüim cawh nak vai cu ka htapa Solomon am yuk pe law ä.”

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

THULÄÄN NAK 10:16

Cun ah kyasei tuhbäi ung tün ne, Bawipa cu ngai vä, nami linglai nak cu ng’düm vä.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

ROMAN 2:28

Cun kawn ah Jew chang ah chang naw ang ngaih phung cu Jew chang ah kä kyak ci. Chang tumat cu vun-ah nak a bi nak düt awn Jew chang ah kä kya lawk ci nei.

KOLOSE 2:11

Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

LUKA 2:46

Ak hnüüp thum hnüüp Taigüim kyong ah Jew saya gui awn ngo u ne, ami ng’thu ngai ne, ng’shi ca gui ne kyasei hmu ba ci goi.

LUKA 5:17

Kho hnüüp ät ung Bawipa Jesuh naw am theithang gui yah ung, Kalile, Judah la Jerusalem khaw, pigaw päng ungka lawk ciah Pharisee gui la tuhkhän saya gui cu ngo tuk ci gui. Ak gaw a gai sak nak ah Khanpughi ah huham cu Bawipa Jesuh ung om ci.

JOHAN 3:9

Nikodemus naw, “Cun cu a i ah kyak khai” cine ng’shi ba mä khätah;

LAMKTU 5:34

Cun ung phi Gamaliel ming nak ciah Pharisee tumat cu, kawngsi yungah ng’düi law netah ang düihpüi gui cu ashäng ak pung ah ami hteh püi gui vai ah pyein ci. Ani cu chang gui naw ami chang m’sui tu ah ng’thu m’khän saya ah kyak ci.