JOHAN 21:7 - Cho Bible Common Language 2016

⁷ Cun kawn ah Bawipa Jesuh ah a hnu ah ang düihpüi naw, “Mik mi ah Bawipa nei” cine Peter-am m’thein ci. Peter cu cun ang yak vai-am akhtu suut ne akhei k’htün netah tui ung yung phäi ci.

JOHAN 21:7 Referans Kwoze

JOHAN 13:23

Cun yah ung Bawipa Jesuh ah am hni pi ah ang düihpüi chang tumat cu akpat lam ah ngok ci.

JOHAN 20:2

Ani cu Simon Peter la Bawipa Jesuh naw am hni pi ah ang düihpüi ah om nak ah dawng ba netah, “Chang gui naw Bawipa cu, phuh hmun ungka lak ci gui nei, a hawi ami tha kä hmat nei” cine m’thein gui ci.

JOHAN 19:26

Bawipa Jesuh naw anu la a nau ah pei ah am hni ah ang düihpüi tumat cu ng’düi sei hmuk ci. Cun ah kyasei, Bawipa Jesuh naw anu-am, “nu awi, shin cu nang ah hta nei” cik ci.

2 KORIN 5:14

Chang tumat cu chang avan ah hmawk ah si sei, chang avan naw ani awn a täng ah sik nak ami aut ah mawng cu tuhbäi keimi naw kami hmat pyi ci kya sei, keimi cu Bawi Khrih ah m’hni nak naw na uk gui pyi ci nei.

JOHAN 21:24

Shin ah a mawng gui pyein ne gu ne m’dang cicu ani ah kyak ci. Ani ah pyein gui küm ciah mikmi naw mi hmat ci.

JOHAN 21:20

Peter cu mang shüi shüi netah, akhnu ah Bawipa Jesuh naw, am hni ah ang düihpüi tumat cu hmuk ci. Ani cu mü-ei ami ei yah ung, “Bawipa, ga ah kut ung nang ning ap khai cu, a u ang?” cine ng’shik ciah chang ah kyak ci.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LAMKTU 2:36

Cun ah kiah sei Israel chang gui aw, nang mi naw kut lam tung ung tai ne na mi ngawn ah Bawipa Jesuh cu Khanpughi naw Hun Bawipa lah Messiah ah ak bäi pyi cu akcang ah na mi hmat vai nei” ci neh pyein ci.

LUKA 7:47

Cun ah a phiawn ah mawng cu, ani ah däm aih ciah a yum nak naw dang sak ci nei. Akat nak apihta bäng phiawn nak ciah chang cu a yum nak apihta bäng om ci” cine kyak na gui ci.

LUKA 2:11

Tuhngawi David ah gawnu ung Khrit Bawipa, nami Hunbawi cu ng’tüi pyi ci nei.

MAKUH 11:3

Gui cu k’phian ne cun ah ng’se hta cu nani law püi vai. Chang naw ‘A i vai ng’se gui nani k’phian ang’ cine a ning shi goi ung, “Shin ah ng’se cu kami Bawi naw ng’ya hlük ci, ang ghit ah ning thak law ba gui vai nei’ cine nani pyein vai” cine m’cäi goi ci.

SOLOMON NG’Ä~ 8:7

Cun cu tui awn m’sih ne kä gah; a i tui k’law naw phi kä lon hning ci. Chang gui naw m’hni nak cu khawh awn hleih vai ah ami tha nak ah akyak ung, ngami naw päipih nak vah gah khai gui.

SAM 118:23

Cun cu Bawipa ah bi ah kyak ci; a i hlawk ah hmu ne cäi vai kyak ci ang!

JAMES 2:1

Phäi nau gui aw, nangmi cu Bämang ciah Bawipa Jesuh Khrit cu nami yum ciah kyasei, chang ah yodäm pyam mang teng ne kä nami om ih vai nei.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 20:20

Cun kawn ah a kut m’yaa la am hnaak cu ang düihpüi gui-am m’hnuh gui ci. Ang düihpüi gui naw Bawipa cu hmu netah ang htei ah yai ci gui.

LUKA 12:35

Nangmi cu ng’düih law ghet vai ah sui-sa u ne, mei m’däi ge ne om vä.

JOHAN 21:8

Ang düihpüi amshah gui cu nga be ciah ng’vai so ne, hleiko awn tuikem lam ah hteit ci gui.