JOHAN 21:5 - Cho Bible Common Language 2016

⁵ Bawipa Jesuh naw, “Ak hmaw gui awi, nga nami phak ci ang?” cine ng’shi gui ci. Ngami naw, “Kä kami phak ci nei” cik ci gui.

JOHAN 21:5 Referans Kwoze

PHILIPPIAN 4:19

Cun ah kya sei kei ah ka Khanpughi cu bühmang nak la bäkhäk nak awn kümbe ciah kya ne, nangmi am Bawi Khrit Jesuh awn, nami ng’yak hlü avan cu ning pe gui khai nei.

1 JOHAN 2:13

Pa gui aw, nangmi cu ak htük ge ung om ciah Bawipa cu nami hmat ci kyasei, ca ka ning guk law gui ci nei. Hmaw chang gui aw, nangmi cu khoshe tu ne nami näng ci kyasei, ca ka ning guk law gui ci nei.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.

MATTHE 14:15

Kho mühun law khätah ang düihpüi gui cu Bawipa Jesuh ah pei ah law u netah, “Shin yah cu chang ah kä om nak ah kya ci, kho phi mü lawk khai kyak ci, shin ah chang gui pigaw gui ah hteit ne, ami mü-ei vai ami hleih vai ah tüi gui ä,” cine pyein ci gui.

1 GHANGPUGHANG GUI 19:6

Ani cu mang shüi neta, m’htut pum ät la tui um ät a lu pei ah om sei hmuk ci. Ani cu ei aw neta ng’yän ba ci.

MAKUH 8:7

Ngami ung nga phi api om ci. Bawipa Jesuh naw Khanpughi m’hlüngtai netah, ngacun phi chang gui-am ami tei gui vai ah ang düihpüi gui cu täk gui ci.