JOHAN 21:25 - Cho Bible Common Language 2016

²⁵ Bawipa Jesuh ah bi a hei akda om ba ci. Cun gui cu avan tumat täi ah guk vai sü ung, cun gui guk nak ah ca uk gui gim nak vai cu, khomdek khan ung a i kä om khai ah ka ngai ci nei.

JOHAN 21:25 Referans Kwoze

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

JOB 26:14

Cun ung phi shin gui cu ani ah huham apüpüi ah kyak ci, amawng api mi ng’yak tu ah kyak ci. Khanpughi akcang ah a i hlawk ah dämduh ci cicu a u naw hmat hlawt khai aw?

HEBRU 11:32

Kei naw k’täi ne ka pyein ba vai ang? Gidean, Barak, Samsan, Jephthah, David, Samuel la profet gui ah mawng ka pyein nak vai a khin kä ng’büh ci nei.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

THUSHÄUTU 12:12

Ka hta aw, nang naw na geing nak vai tumat om ci nei. Ca uk ah ca guk ung kä ng’pyi hlawt khai kyak ci, aktä ah nami ng’thei ung nami cümbawng khai nei.

AMOS 7:10

Amaziah, Bethela ung taigü naw, Israel ghangpughang Jeroboam am ng’thu am thein law cu, “Amos naw chang gui ah ng’lung ah nang cu düm ah ning hnungtuk püi ci nei, ani ah ng’thu naw khaw cu di sak khai nei.

MATTHE 19:24

Kei naw ka pyein ba mä cu bühmang ciah chang Khanpughi ah uk nak kho ah a gawk vai ah tah, ng’pyüm mik ung kalauk a luh vai cu yäi tu ba khai,” cine pyen na gui ci.

MAKUH 5:16

Acun gui hmu tuk ciah chang gui naw, khoshe ah kai te ah chang la vawk gui ah mawng cu, lawk ciah chang gui-am m’thein tu gui ci gui.